တိရစ္ဆာန်ဥယျာဉ်(ရတနာပုံ)
တိရစ္ဆာန်များနှင့် ထိန်းသိမ်းရေး
နေ့စဉ် ဖွင့်လှစ်ပါသည် • မနက် ၈ နာရီ မှ ညနေ ၅ နာရီ
ရတနာပုံမြို့လယ်ခေါင်မှာ တောရိုင်းတိရစ္ဆာန်တွေ၊ သဘာဝအလှတရားတွေနဲ့အတူ မမေ့နိုင်စရာ မိသားစုအမှတ်တရတွေကို ဖန်တီးလိုက်ပါ။
ရှားပါးလှပတဲ့ တိရစ္ဆာန်လေးတွေနဲ့ အနီးကပ်တွေ့ဆုံပြီး သဘာဝပတ်ဝန်းကျင် ထိန်းသိမ်းရေးအကြောင်း ဗဟုသုတတွေလည်း လေ့လာရင်း... ပျော်ရွှင်စရာ စွန့်စားခန်းတွေနဲ့ ပြည့်နှက်နေတဲ့ တစ်နေ့တာကို အတူတူဖြတ်သန်းလိုက်ရအောင်။
ကလေးတို့နဲ့အတူ မိသားစုဝင်အားလုံး တိရစ္ဆာန်လေးတွေနဲ့ သဘာဝပတ်ဝန်းကျင်ကို ပိုမိုချစ်ခင်တန်ဖိုးထားလာစေဖို့... တို့တစ်တွေ အတူတူ ကြိုးစားကြပါစို့။
မြစိမ်းရောင်ရေကန်ကြီးအပေါ်က ဖြတ်ပြီးသွယ်တန်းထားတဲ့ ကြိုးတံတာလေးပေါ်မှာ ရင်သပ်ရှုမောဖွယ် သဘာဝအလှတွေကိုခံစားလို့ရပါတယ်။ ကြိုးတံတားပေါ်မှာ လမ်းလျှောက်ရတဲ့ အတွေ့ကြုံက စိတ်လှုပ်ရှားစရာ ခံစားမှုကို ပေးပါတယ်။
ခရုစုပ်ခေါင်းမည်း (The Glossy Ibis) သည် အရွယ်အလတ်အရွယ်အစားရှိသော ရေဝပ်ဒေသများတွင် ကျက်စားသည့် ငှက်တစ်မျိုးဖြစ်ပြီး နေရောင်အောက်တွင် အစိမ်း၊ ခရမ်းနှင့် ကြေးနီရောင်များဖြင့် တောက်ပပြောင်လက်နေသည့် ၎င်း၏ထူးခြားသည့် အမွေးအတောင်များကြောင့် လူသိများသည်။တိရစ္ဆာန် ဥယျာဉ် (ရတနာပုံ) တွင် ခရုစုပ်အုပ်စုလိုက်အား အနီးကပ်လာရောက် လေ့လာကြည့်ရှု့ နိုင်ပါသည်။
ဉာဏ်ကောင်းပြီးလိမ္မာလှသော ဆင်မလေး “ရတနာရွှေ” သည် သပိတ်ကျင်းမြို့နယ်၊ ဇရပ်ကွင်းကျေးရွာအနီးရှိ တောအုပ်ထဲသို့ ဝင်ထွက်သွားလာသော ဆင်အုပ်လမ်းကြောင်းအနီးတွင် ဖမ်းဆီးရမိခဲ့သည်။ သူမကို ဆင်ကလေးအရွယ်ကတည်းက တိရစ္ဆာန်ဥယျာဉ်(ရတနာပုံ)သို့ ခေါ်ယူထိန်းသိမ်းခဲ့ပြီး ယခုအခါ အသက် ၂၂ နှစ်ရှိပြီဖြစ်ပါသည်။
သစ်ပင်ပေါ်တွင် အချိန်အများစုနေထိုင်လေ့ရှိပြီး ဝါးရွက်များကိုသာ အဓိကစားသုံးသော ရှားပါးပြီး ချစ်စရာကောင်းသည့် နို့တိုက်သတ္တဝါ တစ်မျိုးဖြစ်ပါသည်။ဒါ့အပြင် သစ်သီးများ၊ ဘယ်ရီသီးများနှင့် ပိုးမွှားသေးငယ်များကိုလည်း စားတတ်ကြသည်။ သဘာဝတောထဲတွင် (၈ မှ ၁၀) နှစ်ခန့် အသက်ရှင်နိုင်ပြီး ထိန်းသိမ်းစောင့်ရှောက် ထားသည့် နေရာများတွင် (၁၅) နှစ်ခန့်အထိ အသက်ရှင်နေထိုင်နိုင်ပါသည်။တိရစ္ဆာန်ဥယျာဉ်(ရတနာပုံ) တွင် ပန်ဒါနီ အထီး(၁)ကောင်၊အမ(၃)ကောင်ကို ထိန်းသိမ်း မွေးမြူစောင့်ရှောက်ထားပါသည်။
အုပ်စုလိုက်နေထိုင်လေ့ရှိပြီး အစုံစားတတ်သော အရွယ်သေးငယ်သည့် မျောက်မျိုးစိတ် ဖြစ်သည်။ကိုယ်ဝန်ဆောင်ကာလမှာ (၁၄၄)ရက်ခန့်ကြာမြင့်ပြီး များသောအားဖြင့်နှစ်ကောင်မွေးပါသည်။သစ်ပင်ပေါ်တွင်နေထိုင်ပြီး ပိုးကောင် ၊ အိမ်မြှောင်ငယ်လေးများ ၊ သစ်သီး ၊ နှင့် အသိုက်ငှက်များ စားသုံးလေ့ရှိပြီးအသီးအနှံများ၊ ပိုးမွှားများနှင့် သစ်ရည်များကို စားသုံးသဖြင့် သဘာဝတွင် မျိုးစေ့ဖြန့်ဝေခြင်းနှင့် ပိုးမွှားထိန်းချုပ်ခြင်းတို့တွင် အရေးပါသည်။
အစုံစားလိပ်ဖြစ်ပြီး အသီးအနှံ၊ ကျောရိုးမဲ့၊ ကျောရိုးရှိသတ္တဝါငယ်များနှင့် အင်းဆက်ပိုးမွှားများ ကိုလည်း စားလေ့ရှိပါသည်။ ဥဥရက်မှာ (၃-၄) လအထိ ကြာမြင့် ပြီး တစ်ကြိမ်လျှင် ဥ (၁၀-၂၅) လုံးအထိ ဥတတ်သည်။ သဘာဝထဲတွင် (၃၀-၄၀) နှစ်ခန့် အထိနေထိုင်နိုင်သော်လည်း ထိန်းသိမ်းမွေးမြူစောင့်ရှောက်ထားသည့်နေရာများတွင်သက်တမ်း (၅၀) နှစ်ခန့် အထိနေထိုင်နိုင်ပါသည်။ မျိုးစေ့များကို ပျံ့နှံ့စေသူနှင့် အပင်ငယ်များကို စားသုံးသူအဖြစ် ဂေဟစနစ်တွင် အရေးပါသော အခန်းကဏ္ဍမှ ပါဝင်နေပါသည် ။တရားမဝင် တောရိုင်းတိရစ္ဆာန် ရောင်းဝယ်ဖောက်ကားမှု၊ နေရင်းဒေသများ ပျက်စီးဆုံးရှုံးမှု၊ အစားအစာအတွက် အမဲလိုက်ခံရမှုနှင့် တိုင်းရင်းဆေးဖော်စပ်ရန်အတွက် ဖမ်းဆီး ခံရမှုများကြောင့် အကောင်ရေလျော့နည်းလာလျှက်ရှိပါသည်။
တိရစ္ဆာန်ဥယျာဉ်(ရတနာပုံ)တွင် October လအထိမ်းအမှတ်အဖြစ် သီတင်းကျွတ်နှင့် တန်ဆောင်တိုင်ယဉ်ကျေးမှုပွဲတော်ကို စီစဉ်ထားရှိပါသည်။ မြန်မာ့ရိုးရာအလှဆင်မှုများနှင့် ယဉ်ကျေးမှုတင်ဆက်မှုများ၊ မိသားစုနှင့်ကလေးများအတွက် လှုပ်ရှားပျော်ရွှင်ဖွယ်အစီအစဉ်များနှင့် အမှတ်တရဓာတ်ပုံရိုက်ကူးနိုင်မည့်နေရာများပါဝင်ကာ ရိုးရာအငွေ့အသက်ပြည့်စုံသော အတွေ့အကြုံတစ်ခု ဖြစ်ပါသည်။
လမ်းလျှောက်တတ်စအရွယ် ကလေးငယ်များမှသည် ဆယ်ကျော်သက်လူငယ်များအထိ အရွယ်စုံကလေးများအတွက် အံ့ဖွယ်တိရစ္ဆာန်လောကကို လေ့လာနိုင်မည့် အစီအစဉ်တစ်ခု ဖြစ်ပါသည်။ တိရစ္ဆာန်များနှင့် အနီးကပ်ထိတွေ့ခွင့်ရရှိခြင်းနှင့် လက်တွေ့လုပ်ဆောင်ရသော လှုပ်ရှားမှုများမှတစ်ဆင့် ကလေးငယ်များ၏ စူးစမ်းလိုစိတ်ကို နှိုးဆွပေးပြီး တိရစ္ဆာန်များအား ကာကွယ်စောင့်ရှောက်လိုစိတ်နှင့် တစ်သက်တာသင်ယူလိုစိတ်တို့ ဖြစ်ပေါ်လာစေရန် ရည်ရွယ်ပါသည်။
"တိရစ္ဆာန်ဥယျာဉ်များသည် တောရိုင်းတိရစ္ဆာန်များ ထိန်းသိမ်းစောင့်ရှောက်ရေး၊ တိရစ္ဆာန်များ၏ သက်သာချောင်ချိရေး၊ ပညာပေးရေးနှင့် သုတေသနလုပ်ငန်းများတွင် အရေးပါသော ကဏ္ဍမှ ပါဝင်လျက်ရှိပါသည်။ အနာဂတ် တိရစ္ဆာန်ပြုစုစောင့်ရှောက်ရေး ပညာရှင်များ ပေါ်ထွက်လာစေရန် ပံ့ပိုးကူညီပေးနိုင်ရေးအတွက် အထက်မြန်မာပြည်ရှိ မွေးမြူရေးဆိုင်ရာ ဆေးတက္ကသိုလ်နှင့် တိရစ္ဆာန်ဆေးကုသရေးပညာရပ်ဆိုင်ရာ တက္ကသိုလ်များမှ ကျောင်းသား၊ ကျောင်းသူများ နှင့် အခြားစပ်ဆက်သည့် တက္ကသိုလ်များအတွက်...
တိရစ္ဆာန်ချစ်သူများအနေဖြင့် တိရစ္ဆာန်ဥယျာဉ်ရှိ ကောင်ရေ ၁,၄၀၀ ကျော်၏ နေ့စဉ်အာဟာရလိုအပ်ချက်အတွက် တိုက်ရိုက်ပါဝင်လှူဒါန်းနိုင်မည့် အထူးအစီအစဉ် ဖြစ်ပါသည်။ လှူဒါန်းသူများနှင့် တိရစ္ဆာန်များ၏ ကျန်းမာရေးကို ရှေးရှု၍ ကျန်းမာရေးနှင့် အားကစားဝန်ကြီးဌာန၏ လမ်းညွှန်ချက်များနှင့်အညီ စနစ်တကျ စီစဉ်ထားခြင်းဖြစ်ပြီး၊ ရောဂါကူးစက်မှုအန္တရာယ် ကင်းဝေးစေရန်အတွက် တိရစ္ဆာန်များအတွက် အစာကို ဥယျာဉ်အတွင်းမှပင် စီစဉ်ပေးထားပါသည်။
No announcement yet.
HTOO Zoos and Gardens Business Unit မှ ဦးစီး၍ ကြီးမှူးကျင်းပသော ( ၈ ) အကြိမ်မြောက် "Animal Behavior and Enrichment Workshop" ကို ၂၀၂၆ ခုနှစ်၊ ဧပြီလ (၂၈) ရက်နေ့မှ (၃၀)...
ဆက်လက်ဖတ်ရှုရန်
