"တိရစ္ဆာန်ဥယျာဉ်များသည် တောရိုင်းတိရစ္ဆာန်များ ထိန်းသိမ်းစောင့်ရှောက်ရေး၊ တိရစ္ဆာန်များ၏ သက်သာချောင်ချိရေး၊ ပညာပေးရေးနှင့် သုတေသနလုပ်ငန်းများတွင် အရေးပါသော ကဏ္ဍမှ ပါဝင်လျက်ရှိပါသည်။ အနာဂတ် တိရစ္ဆာန်ပြုစုစောင့်ရှောက်ရေး ပညာရှင်များ ပေါ်ထွက်လာစေရန် ပံ့ပိုးကူညီပေးနိုင်ရေးအတွက် အထက်မြန်မာပြည်ရှိ မွေးမြူရေးဆိုင်ရာ ဆေးတက္ကသိုလ်နှင့် တိရစ္ဆာန်ဆေးကုသရေးပညာရပ်ဆိုင်ရာ တက္ကသိုလ်များမှ ကျောင်းသား၊ ကျောင်းသူများ နှင့် အခြားစပ်ဆက်သည့် တက္ကသိုလ်များအတွက် ရည်ရွယ်ပါသည်။
အလုပ်သင်အစီအစဉ်၏ ရည်ရွယ်ချက်များမှာ-
• မွေးမြူရေးနှင့် တိရစ္ဆာန်ဆေးကုသရေးကျောင်းသားများအတွက် လက်တွေ့လေ့ကျင့်နိုင်သည့် အခွင့်အလမ်းများ ပံ့ပိုးပေးရန်။
• တိရစ္ဆာန်ထိန်းသိမ်းပြုစုစောင့်ရှောက်မှု၊ စီမံခန့်ခွဲမှုနှင့် တိရစ္ဆာန်ဆေးကုသမှု လုပ်ထုံးလုပ်နည်းများတွင် ကျောင်းသားများ၏ အသိပညာနှင့် ကျွမ်းကျင်မှုများကို မြှင့်တင်ပေးရန်။
• ခေတ်မီတိရစ္ဆာန်ဥယျာဉ် စီမံခန့်ခွဲမှုနှင့် တောရိုင်းတိရစ္ဆာန် ထိန်းသိမ်းရေး လုပ်ငန်းစဉ်များကို ကျောင်းသားများအား သိရှိနိုင်စေရန်။
• တိရစ္ဆာန်များ၏ ကောင်းကျိုးချမ်းသာ၊ ဇီဝမျိုးစုံမျိုးကွဲ ထိန်းသိမ်းရေးနှင့် သဘာဝပတ်ဝန်းကျင် ကာကွယ်ရေးဆိုင်ရာများအား မြှင့်တင်ပေးရန်။
• တိရစ္ဆာန်ဥယျာဉ်ဆိုင်ရာ အဖွဲ့အစည်းများနှင့် ပညာရေးအဖွဲ့အစည်းများအကြား ပူးပေါင်းဆောင်ရွက်မှုကို တိုးမြှင့်ရန်။
အလုပ်သင်အစီအစဉ် ပြီးမြောက်ပြီးနောက် ကျောင်းသားများသည်-
• တိရစ္ဆာန်ပြုစုစောင့်ရှောက်မှုနှင့် တိရစ္ဆာန်ဆေးကုသရေး စီမံခန့်ခွဲမှုတို့တွင် လက်တွေ့ကျသော အတွေ့အကြုံများ ရရှိမည်။
• တိရစ္ဆာန်ဥယျာဉ်ဆိုင်ရာ အဖွဲ့အစည်းများ၏ တာဝန်ဝတ္တရားများကို နားလည်သဘောပေါက်မည်။
• သက်မွေးဝမ်းကျောင်းဆိုင်ရာ ကျွမ်းကျင်မှုများနှင့် အဖွဲ့လိုက်လုပ်ဆောင်နိုင်စွမ်းများကို တိုးတက်စေမည်။
• တောရိုင်းတိရစ္ဆာန် ထိန်းသိမ်းရေးနှင့် တိရစ္ဆာန်များ၏ ကောင်းကျိုးချမ်းသာဆိုင်ရာများအး သတိပြုနားလည်မှုများ ပိုမိုတိုးတက်လာမည်။"

"ဤအလုပ်သင်အစီအစဉ်သည် အထက်မြန်မာပြည်ရှိ တိရစ္ဆာန်မွေးမြူရေးနှင့် တိရစ္ဆာန်ဆေးပညာ ကျောင်းသားများအတွက် ရည်ရွယ်ထားပြီး တိရစ္ဆာန်စောင့်ရှောက်မှု၊ တိရစ္ဆာန်ဆေးကုသရေးလုပ်ငန်းများ၊ တောရိုင်းတိရစ္ဆာန်ထိန်းသိမ်းရေးနှင့် တိရစ္ဆာန်ဥယျာဉ် စီမံခန့်ခွဲမှုဆိုင်ရာ လက်တွေ့ကျသော လေ့ကျင့်သင်ကြားမှုများကို ပေးအပ်ပါသည်။

အတွေ့အကြုံရှိသော တိရစ္ဆာန်ဥယျာဉ် ပညာရှင်များ၏ လမ်းညွှန်မှုဖြင့် ကျောင်းသားများသည် ၎င်းတို့၏ အသိပညာ၊ ကျွမ်းကျင်မှုနှင့် လုပ်ငန်းဆိုင်ရာ စွမ်းရည်များကို တိုးတက်မြှင့်တင်နိုင်မည်ဖြစ်ပြီး တိရစ္ဆာန်များ၏ ကောင်းမွန်သော စောင့်ရှောက်မှု (Animal Welfare) နှင့် သဘာဝပတ်ဝန်းကျင် ထိန်းသိမ်းရေးဆိုင်ရာ အသိပညာများကိုလည်း ရရှိလာမည်ဖြစ်ပါသည်။

ထို့အပြင် ဤအစီအစဉ်သည် တိရစ္ဆာန်ဥယျာဉ်များနှင့် ပညာရေးအဖွဲ့အစည်းများအကြား ပူးပေါင်းဆောင်ရွက်မှုကို မြှင့်တင်ပေးပြီး အနာဂတ်တွင် တိရစ္ဆာန်စောင့်ရှောက်ရေးနှင့် တောရိုင်းတိရစ္ဆာန်ထိန်းသိမ်းရေး နယ်ပယ်များတွင် တာဝန်ထမ်းဆောင်မည့် ကျွမ်းကျင်ပညာရှင်များကို ပြုစုပျိုးထောင်ပေးရန် ရည်ရွယ်ပါသည်။"