An auspicious day to you all, Our Zoo introduces a new program for animal lovers. During the pandemic period, you can participate in the food donation program at Yadanabon Zoo. To participate, you may need to register before you come and may need to bring the animal foods that you want to donate. Especially, the following fruits and vegetables are allowed to feed: Corn, Banana, Cucumber, Watercress, Mustard, Tomato. For more details, please dial the given numbers:h-09 977730111,...
The following animals can adopt and be a zoo parent: Lion Hippo Elephant Zebra Tiger Camel Crocodile For more details, please dial the given numbers:h-09 977730111, 09 255564324.
Feeding Program will introduce for animal lovers. To participate, you may need to register before you come For more details, please dial the given numbers:h-09 977730111, 09 255564324.
Our Zoo ctemporaly closed but we provide a special private program for those animals lovers who missing our animals. We limit 2 to 10 person per group and one day prebooking require. Additionally,you can buy "animals food basket". In Private Tour Package: 🎟 Entrance Ticket 🕰 2 Hours visiting pass 🛺 Free Buggy Service 💸 Price - 5000 MMK per person 📞 For your Booking : 09977730111
အပြည်ပြည်ဆိုင်ရာမျောက်လွှဲကျော်များထိန်းသိမ်းရေးနေ့ (International Gibbon Day) တောတွင်းသီချင်းဆိုသူများ (Forest Singer) ဖြစ်ကြသော မျောက်လွှဲကျော်တို့နှင့် ပတ်သက်သည့် အကြောင်းအရာများအား ပညာပေးဆောင်ရွက်ရန်အတွက် အောက်တိုဘာလ (၂၄) ရက်နေ့ကို အပြည်ပြည်ဆိုင်ရာမျောက်လွှဲကျော်များထိန်းသိမ်းရေးနေ့အဖြစ် နှစ်စဉ် ကျင်းပလေ့ရှိပါတယ်။ ကမ္ဘာပေါ်တွင် Apes အုပ်စုဝင်များဖြစ်သည့် မျောက်လွှဲကျော် မျိုးစိတ်ပေါင်း (၂၀) ရှိပြီး ၎င်းတို့သည် နေရင်းဒေသများ ဆုံးရှုံးခြင်းကြောင့် မျိုးသုဉ်းရန် အန္တရာယ်ရှိသော အခြေအနေမျိုးနှင့် ရင်ဆိုင်နေရပါတယ်။ မျောက်လွှဲကျော်များသည် Seed Disperser (သစ်စေ့ဖြန့်သူ) လည်းဖြစ်ပြီး အပင်မျိုးစိတ်များဖြန့်ပွားခြင်းအတွက် အရေးပါသော အခန်းကဏ္ဍမှ ပါဝင်၍ အမြဲစိမ်း သစ်တောများထိန်းသိမ်းခြင်းနှင့် ပြုစုပေးသော ဥယျာဉ်မှူးများဟုလည်း တင်စားခေါ်ဆိုနိုင်ပါတယ်။ မြန်မာနိုင်ငံတွင် မျောက်လွှဲကျော် မျိုးစိတ် (၄) မျိုးအား တွေ့ရှိရပါသည်။ အနောက်ပိုင်းမျက်ခုံးဖြူမျောက်လွှဲကျော်၊ အရှေ့ပိုင်းမျက်ခုံးဖြူမျောက်လွှဲကျော်၊ Skywalker မျောက်လွှဲကျော်၊ မျောက်လွှဲကျော်လက်ဖြူတို့ဖြစ်ပါတယ်။ ၎င်းနေထိုင်ရာ သစ်တောများလျော့နည်းလာခြင်း (habitat loss) နှင့် သစ်တောများအစိတ်စိတ်ကွဲပြားလာခြင်း (habitat fragmentation) တို့သည် ၎င်းတို့ အဓိက ကြုံတွေ့နေရသည့် ပြဿနာများဖြစ်ပါတယ်။ မျောက်လွှဲကျော်များ ထိန်းသိမ်းခြင်းသည် သဘာဝသစ်တောများနှင့် ဂေဟစနစ်အား ထိန်းသိမ်းခြင်းလည်းဖြစ်သဖြင့် မျောက်လွှဲကျော်များအား ထိန်းသိမ်းကာကွယ်ပေးရန် လိုအပ်ပါတယ်။ မျောက်လွှဲကျော်များကဲ့သို့ မျိုးသုဉ်းရန်...
“မီးရထားကြီး ပျော်ပျော်စီး” တိရစ္ဆာန်ဥယျာဉ် (ရတနာပုံ) ကို လာရောက်သောဧည့်သည်တော်များ အဆင်ပြေစွာ အပန်းဖြေလည်ပတ်နိုင်ဖို့ရာ ဥယျာဉ်ပတ်ကား(Buggy) အပြင် ဥယျာဉ်ပတ်မီးရထားလည်း ပြေးဆွဲပေးလျက်ရှိပါတယ်။ တိရစ္ဆာန်ဥယျာဉ် (ရတနာပုံ)မှာ နို့တိုက်သတ္တဝါ၊ တွားသွားသတ္တဝါ၊ ရေနေသတ္တဝါများနှင့် ကျေးငှက်မျိုးစိတ်များကို ထိန်းသိမ်းစောင့်ရှောက် ပြသထားရှိပါတယ်။ မီးရထားကြီးပျော်ပျော်စီးပြီး ဥယျာဉ်တစ်ပတ် လျှောက်ကြည့်ရင်း အပန်းဖြေလည်ပတ်နိုင်လို့ တိရစ္ဆာန်ဥယျာဉ် (ရတနာပုံ) ကို လာရောက်လည်ပတ်ဖို့ လှိုက်လှဲစွာဖိတ်ခေါ်လိုက်ပါတယ်။
မလေးရှားနိုင်ငံ၊ Penang၊ Taiping၊ Grand Baron Hotel တွင် (၅−၁၁−၂၀၂၃)ရက်နေ့မှ (၈−၁၁−၂၀၂၃)ရက်နေ့အထိ ကျင်းပပြုလုပ်သည့် အာရှနှင့် အာဆီယံဒေသတွင်း တိရစ္ဆာန်ဥယျာဉ်များနှင့် ငါးပြတိုက်များအစည်းအရုံး (South East Asia Zoos and Aquarium Association-SEAZA) ၏ အကြိမ် (၃၁) ကြိမ်မြောက်ညီလာခံကို အစည်းအရုံးအဖွဲ့ဝင်နိုင်ငံဖြစ်သည့် မြန်မာနိုင်ငံမှ နိုင်ငံကိုယ်စားပြု Htoo Zoos and Gardens Business Unit မှ အမှုဆောင်အရာရှိချုပ် (CEO) နှင့် ဝန်ထမ်းများ၊ မွေးမြူရေးဆိုင်ရာဆေးတက္ကသိုလ်မှ ပါမောက္ခ (ဌာနမှူး)နှင့် သစ်တောဦးစီးဌာန (ရန်ကုန်တိုင်း)မှ ဒုတိယညွန်ကြားရေးမှူး၊ စုစုပေါင်း (၁၅) ဦး တက်ရောက်ခဲ့ကြပါတယ်။ အဆိုပါညီလာခံတွင် နိုင်ငံပေါင်း (၂၅) နိုင်ငံမှ တက်ရောက်သူ (၂၅၉) ဦးရှိခဲ့ပြီး သုတေသနစာတမ်းပေါင်း (၅၉) စောင် ဖတ်ကြားခဲ့ပါတယ်။ မြန်မာနိုင်ငံကိုယ်စားပြု Htoo Zoos and Gardens Business Unit မှ သုတေသနစာတမ်း (၄) စောင် ဖတ်ကြားတင်သွင်းခဲ့ပါတယ်။
ဆတ်ကျွဲငယ် (Common Wildebeest) မြန်မာအမည်-ဆတ်ကျွဲငယ် အင်္ဂလိပ်အမည်-Common Wildebeest or Blue Wildebeest သိပ္ပံအမည်-Connochaetes taurinus ဆတ်ကျွဲငယ်များသည် ကျွဲ၊ နွားအုပ်စုဝင် တိရစ္ဆာန်များ ဖြစ်ကြပြီး ကျယ်ပြန့်သော လက်ပြင်၊ ဦးချို(ဂျို)နှင့် ကြီးမားကျယ်ပြန့်သည့် နှုတ်သီးများ ပါရှိပါတယ်။ ဦးချို(ဂျို)များသည် အကာအကွယ်မရှိ ကွင်းခတ်ထားသောပုံစံရှိပြီး အထီးများသည် အမများ၏ဦးချို(ဂျို)ထက် ပိုမိုတုတ်ခိုင်ထူထဲပါတယ်။ ဆတ်ကျွဲများတွင် တုပ၍မရသော အနက်ရောင် ဒေါင်လိုက်အစင်းကြောင်းများသည် လက်ပြင်တစ်လျှောက်မှ ဝမ်းဗိုက်နောက်ပိုင်းအထိ ပါရှိပါတယ်။ ယေဘူယျအားဖြင့် ဆတ်ကျွဲများတွင် အဖြူမှ အညိုရင့်ရောင် လည်ဆံမွေးနှင့် မုတ်ဆိတ်မွေးများပါရှိပါတယ်။ ခန္ဓာကိုယ်ပေါ်တွင် ပြာလဲ့လဲ့အရောင်များပြေးနေသည့်အတွက် အပြာရောင်ဆတ်ကျွဲ (Blue Wildebeest) ဟု လည်း ခေါ်ဆိုကြပါတယ်။ ဆတ်ကျွဲများသည် မြက်ကိုသာ အဓိကစားသုံးကြပြီး အသီးအရွက်စား သတ္တဝါဖြစ်ပါတယ်။ အစာရေစာရှားပါးလာသည့်အခါ အစာရရှိနိုင်သည့် နေရာများဆီသို့ ကီလိုမီတာရာနှင့်ချီ သွား၍ ရှာဖွေစားသောက်တတ်ပါတယ်။ တစ်နှစ်လျှင်တစ်ကြိမ်သားပေါက်ပြီး တစ်ကောင်သာမွေးပါတယ်။ သက်တမ်းအားဖြင့် နှစ်ပေါင်း(၂၀)ခန့်ထိ နေထိုင်နိုင်ပါတယ်။ တိရစ္ဆာန်ဥယျာဉ် (ရတနာပုံ)မှာ နို့တိုက်သတ္တဝါ၊ တွားသွားသတ္တဝါ၊ ရေနေသတ္တဝါများနှင့် ကျေးငှက်မျိုးစိတ်များကို ထိန်းသိမ်းစောင့်ရှောက် ပြသထားရှိပါတယ်။ သူငယ်ချင်း၊ မိသားစုများနှင့်အတူ အနားယူအပန်းဖြေလည်ပတ်နိုင်ဖို့ တိရစ္ဆာန်ဥယျာဉ် (ရတနာပုံ) ကို လာရောက်လည်ပတ်ဖို့...
ဖျံမွေးချော / ဖျံဘဲလက်(Smooth Coated Otter)မြန်မာအမည်-ဖျံမွေးချော / ဖျံဘဲလက်အင်္ဂလိပ်အမည်-Smooth Coated Otterသိပ္ပံအမည်-Lutrogale perspicillata🌎 ကမ္ဘာကြီးဟာ 🌳 သစ်တောများ ၊ ⛰️ တောင်တန်းများ ၊ 🏞️ မြေပြန့်လွင်ပြင် ၊ 🏜️ကန္တာရ နှင့် ကမ်းရိုးတန်းဒေသ တို့အပြင် ကျယ်ပြောလှသော ပင်လယ်သမုဒ္ဒရာတို့နှင့်အတူ 🌻 လှပစွာဖွဲ့စည်းထားပြီး လူသားများအပြင် အခြားသောသက်ရှိ ဇီဝမျိုးစုံမျိုးကွဲများ ရှင်သန်ပေါက်ဖွားကျက်စားနေထိုင်ရာနေရာလည်း ဖြစ်ပါတယ်၊🦦 သဘာဝဂေဟစနစ်ကြီးတွင် အလွန်အရေးကြီးသော အခန်းကဏ္ဍမှပါဝင်နေသည့် မျိုးစိတ်တစ်မျိုးမှာ ဖျံမျိုးစိတ်များ ဖြစ်ကြပါတယ်၊🦦 ဖျံမျိုးစိတ်များဟာ ရေအရည်အသွေးနှင့် အခြားသောဇီဝမျိုးစုံမျိုးကွဲတို့ ပေါများခြင်း/ ရှားပါးခြင်း တို့၏ အမှတ်သင်္ကေတ လက္ခဏာကိုပြသပေးသည့်အတွက် တောရိုင်းတိရစ္ဆာန်ထိန်းသိမ်းရေး လုပ်ငန်းများလုပ်ဆောင်သည့်အခါ အညွှန်းကိန်းပြ သင်္ကေတမျိုးစိတ် (Indicator species) အဖြစ် သတ်မှတ်ကြပါတယ်။🦦 ဖျံများဟာ သွက်လက်သော ပင်ကိုယ်သဘာဝနှင့်အသိဉာဏ်မြင့်မားသော မျိုးစိတ်တစ်မျိုး ဖြစ်ပြီး မြစ်ချောင်းများတွင် နေထိုင်သော မြစ်ဖျံ (River Otter) နှင့် ပင်လယ်ထဲတွင် နေထိုင်သော ပင်လယ်ဖျံ (Sea Otter) ဟူ၍ (၂)မျိုးရှိပါတယ်၊🦦 ဖျံများဟာ ၎င်းတို့၏ သွယ်လျရှည်လျားသော ခန္ဓာကိုယ် ဖွဲ့စည်းတည်ဆောက်ပုံကြောင့် ရေထဲတွင် လျင်မြန်စွာ...
တန်ဆောင်မုန်းလပြည့်နေ့ (သာမညဖလအခါတော်နေ့) သာမညဖလသုတ်ခေါ် (ရဟန်းပြုခြင်း၏ အကျိုးတရားကို) မြတ်စွာဘုရားသည် အဇာတသတ်မင်းအား တန်ဆောင်မုန်းလပြည့်နေ့တွင် ဟောပြောတော်မူသည်ကို အကြောင်းပြု၍ တန်ဆောင်မုန်းလပြည့်နေ့ကို သံဃာတော်များနေ့ (သာမညဖလအခါတော်နေ့) ဟု သတ်မှတ်ကျင်းပကြခြင်း ဖြစ်ပါတယ်။ မြန်မာသက္ကရာဇ် ၁၃၈၅ခုနှစ်၊ တန်ဆောင်မုန်းလပြည့်(သမညဖလအခါတော်)နေ့မှာ မြန်မာပြည်သူပြည်သားများအားလုံး ကိုယ်စိတ်နှစ်ပါး ရွှင်လန်းချမ်းမြေ့ကြည်သာပြီး မိမိတို့လိုရာဆန္ဒများပြည့်ဝကြစေကြောင်း တိရစ္ဆာန်ဥယျာဉ် (ရတနာပုံ) မိသားစုမှ တောင်းဆုမေတ္တာပို့သအပ်ပါသည်။
🇲🇲 အမျိုးသားနေ့ ဒို့မမေ့ 🇲🇲 🎉 𝐇𝐚𝐩𝐩𝐲 𝐌𝐲𝐚𝐧𝐦𝐚𝐫 𝐍𝐚𝐭𝐢𝐨𝐧𝐚𝐥 𝐃𝐚𝐲 🎉 ၂၀၂၃ခုနှစ်၊ ဒီဇင်ဘာလ ၇ရက်၊ ကြာသပတေးနေ့တွင် ကျရောက်သော (၁၀၃)ကြိမ်မြောက် အမျိုးသားအောင်ပွဲနေ့အား ဂုဏ်ပြုကြိုဆိုရင်း မြန်မာပြည်သူပြည်သားများအားလုံး ကိုယ်စိတ်နှစ်ပါး ရွှင်လန်းချမ်းမြေ့ကြည်သာကြစေကြောင်း တိရစ္ဆာန်ဥယျာဉ် (ရတနာပုံ) မိသားစုမှ တောင်းဆုမေတ္တာပို့သအပ်ပါသည်။
အပြည်ပြည်ဆိုင်ရာ မျောက်များနေ့ (International Monkey Day) ၊🐒🐒🐒 ဒီဇင်ဘာလ(၁၄)ရက်နေ့၊ မျောက်များနေ့(Monkey Day)မှာ တိရစ္ဆာန်ဥယျာဉ်ထဲက မျောက်လေးတွေအကြောင်းကို ဗဟုသုတအနည်းငယ်မျှဝေချင်ပါတယ်။ မျောက်တွေကို အမြီးပါမျောက်နှင့် အမြီးမပါမျောက်ဟူ၍ နှစ်မျိုးခွဲခြားထားပါတယ်။ ဒါ့အပြင် အမြီးပါ မျောက်တွေကိုလည်း(၂)မျိုးပြန်ပြီး ထပ်မံခွဲခြားထားပါတယ်။ ဒီနေ့ကျရောက်တဲ့ မျောက်များနေ့(Monkey Day) မှာ အမြီးပါမျောက်ကလေးတွေအကြောင်းကို ဗဟုသုတအနည်းငယ် မျှဝေပါရစေ… ပထမဦးဆုံးအနေနဲ့…အမြီးပါမျောက်တွေကို…အင်္ဂလိပ်လို(Monkeys) လို့ခေါ်ပြီး၊ အမြီးမပါတဲ့ မျောက်တွေကိုတော့ (Ape) လို့ခေါ်ပါတယ်။ အမြီးပါမျောက်နှင့် အမြီးမပါ မျောက်တွေကို သတ္တဗေဒဘာသာရပ်အခေါ်ဝေါ်အနေနဲ့ မျိုးစဉ်(Order) လိုခေါ်တဲ့ ၊ ပရိုင်းမိတ် (Primates) အတွင်းမှာ ပါရှိတဲ့အတွက် ကျွနှ်ပ်တို့လူသားတွေနဲ့ မျိုးစဉ်တစ်ခုတည်းမှာ အတူတည်ရှိနေတာကြောင့် မျောက်တွေဟာ လူတွေနဲ့ပိုမိုနီးစပ်ပြီး အခြားသောတိရစ္ဆာန်များထက် အသိဉာဏ်ကိုမိုမြင့်မားကြပါတယ်။ အမြီးပါတဲ့မျောက်တွေကို ထပ်မံပြီးခွဲခြားပြရရင် ကမ္ဘာဟောင်းမျောက်(Old World Monkeys) နှင့် ကမ္ဘာသစ်မျောက်(New World Monkeys) ဆိုပြီး (၂)မျိုးထပ်မံခွဲခြားကြပြန်ပါတယ်။ ကမ္ဘာသစ်မျောက်တွေဟာ တောင်အမေရိကတိုက်ထဲမှာနေထိုင်ပြီး ကမ္ဘာဟောင်းမျောက်တွေကတော့ အာရှတိုက်နှင့် အာဖရိကတိုက်တွေမှာ နေထိုင်ကြပါတယ်။ ကမ္ဘာသစ်မျောက်နဲ့ ကမ္ဘာဟောင်းမျောက်တွေကို ယခုလို ခွဲခြားလေ့လာနိုင်ပါတယ်။...
🥳Happy New Year🎊 May this year bring new happiness, new goals, new achievements, and a lot of new inspirations on your life. Wishing you a year fully loaded with happiness. Wishing every day of the new year to be filled with success, happiness, and prosperity for you. 🎇🎆
🇲🇲 Myanmar Independence Day 🇲🇲 ၂၀၂၄ ခုနှစ်၊ ဇန်နဝါရီလ ၄ ရက်နေ့တွင် ကျရောက်သော ၇၆ နှစ်မြောက် လွတ်လပ်ရေးနေ့အား ဂုဏ်ပြုကြိုဆိုပါသည်။
ကရင်အမျိုးသားနှစ်သစ်ကူးနေ့ (Karen New Year Day) ၂၀၂၄ ခုနှစ်၊ ဇန်နဝါရီလ ၁၁ ရက်နေ့တွင် ကျရောက်သော ကရင်အမျိုးသားနှစ်သစ်ကူးနေ့အား ဝမ်းမြောက်လှိုက်လှဲစွာဖြင့် ကြိုဆိုလိုက်ပါသည်။
မျောက်လွှဲကျော်များအကြောင်း သိကောင်းစရာ (၁၀) ချက် (10 Facts About Gibbon) (၁) မျောက်လွှဲကျော်များသည် ရေသောက်ချိန်၌သာ အောက်သို့ဆင်း၍ အချိန်အများစုကို သစ်ပင်ပေါ်၌သာ ကုန်ဆုံးလေ့ရှိကြပါတယ်။ (၂) မျောက်လွှဲကျော်များသည် ရေမကူးနိုင်ကြပါ။ (၃) မျောက်လွှဲကျော်များသည် အသီးအရွက်များကို အဓိကထား စားသုံးကြသော်လည်း၊ အင်းဆက်ပိုးမွှားများကိုလည်း စားသုံးတတ်ကြပါတယ်။ (၄) မျောက်လွှဲကျော်တို့သည် တစ်ကောင်နှင့် တစ်ကောင်ကို အသံဖြင့် ဆက်သွယ်လေ့ရှိကြပါသည်။ (၅) မျောက်လွှဲကျော်များသည် အမြှီးမပါရှိသည့် မျောက်မျိုးစိတ်များဖြစ်ကြပါသည်။ (၆) မျက်ခုံးဖြူမျောက်လွှဲကျော်များသည် တစ်လင်တစ်မယားစနစ်ကိုသာ ကျင့်သုံးကြပါသည်။ (၇) မျက်ခုံးဖြူ မျောက်လွှဲကျော်များသည် သစ်ပင်တပင်မှ တစ်ပင်သို့၊ သစ်ကိုင်းတစ်ကိုင်းမှ တစ်ကိုင်းသို့ ၎င်းတို့၏ လက်တံရှည်များကိုအသုံးပြုပြီးလွှဲ၍လွှဲ၍ ခုန်သွားလေ့ရှိပါသည်။ (၈) မျက်ခုံးဖြူမျောက်လွှဲကျော် အထီး၏ အမွေးအမှင်သည် အနက်ရောင်ရှိကြပြီး အမ၏ အမွေးအမှင်သည် အဖြူတွင် အဝါရောင်သန်းလျက်ရှိပါသည်။ (၉) မျောက်လွှဲကျော်လက်ဖြူများသည် ကမ္ဘာဟောင်းမျောက်မျိုးစိတ်များ ဖြစ်ကြပါသည်။ (၁၀) မျောက်လွှဲကျော်လက်ဖြူများသည် အရှေ့တောင်အာရှ နိုင်ငံများဖြစ်သော ထိုင်း၊ မြန်မာ၊ မလေးရှား၊ အင်ဒိုနီးရှားနိုင်ငံနှင့် လာအိုနိုင်ငံတို့တွင် ရှင်သန်ကျက်စားနေထိုင်ကြသည်ကို တွေ့ရှိရပါသည်။ မျောက်လွှဲကျော်များရဲ့ သိကောင်းစရာ အချက်များကို ဗဟုသုတရအောင် မျှဝေပေးလိုက်ပါတယ်နော်။🤗...
🐊 တရုတ်မိကျောင်းများအကြောင်း သိကောင်းစရာ (၁၀) ချက် 🐊 မြန်မာအမည် - တရုတ်မိကျောင်း Common Name - Chinese Alligator Scientific Name - Alligator sinensis (၁) တရုတ်မိကျောင်းများသည် သားပေါက်ကြရာတွင် အပူချိန်ပေါ်မူတည်၍ အထီး/အမ လိင်ကွဲပြားနိုင်ကြပါသည်။ (၂) တရုတ်မိကျောင်းတို့၏ မျက်လုံးများသည် ညအမှောင်ထဲတွင် ရောင်ပြန်ဟပ်ကြပါသည်။ (၃) ကမ္ဘာပေါ်ရှိ တွားသွားသတ္တဝါများထဲတွင် တရုတ်မိကျောင်းများသည် အသံအကျယ်ဆုံး ဖြစ်ကြပါသည်။ (၄) တရုတ်မိကျောင်းများသည် IUCN Red List Status မှ Critically Endangered (CR) မျိုးသုဉ်းလုနီးပါး အန္တရာယ်ရှိသော မျိုးစိတ်အဖြစ် သတ်မှတ်ခြင်း ခံထားရပါသည်။ (၅) တရုတ်မိကျောင်းအမများသည် အရွက်များ၊ အပင်ငယ်လေးများဖြင့် အသိုက်ပြုလုပ်ကာ အသိုက်ကို စောင့်ရှောက်ကြပါသည်။ (၆) တရုတ်မိကျောင်းများသည် (၅) ပေမှ (၇) ပေခန့် ကြီးထွားနိုင်ကြပါသည်။ (၇) အမေရိကန်နိုင်ငံရှိ တရုတ်မိကျောင်းများ၏ ခြေထောက်တွင် ရေယက်ပါရှိကြသော်လည်း တရုတ်နိုင်ငံရှိ တရုတ်မိကျောင်းများ၏ ခြေထောက်တွင် ရေယက်မပါရှိကြပါ။ (၈) တရုတ်မိကျောင်းများသည် ရေချိုမြစ်ဝှမ်းများတွင်သာ ရှင်သန်နေထိုင်နိုင်ကြပါသည်။ ...
International Zebra Day (အပြည်ပြည်ဆိုင်ရာ မြင်းကျားနေ့) 🦓🦓🦓 ဇန်နဝါရီလ (၃၁) ရက်နေ့ဟာ အပြည်ပြည်ဆိုင်ရာ မြင်းကျားနေ့ (International Zebra Day) အဖြစ် ရည်ရွယ်သတ်မှတ်ထားတဲ့ နေ့တစ်နေ့ဖြစ်ပါတယ်။ ဒီနေ့မှာတော့ တိရစ္ဆာန်ဥယျာဉ်ထဲက မြင်းကျားလေးတွေရဲ့အကြောင်းကို ဗဟုသုတအဖြစ် အနည်းငယ်မျှဝေပေးချင်ပါတယ်။ 🦓 ခန္ဓာကိုယ်ပေါ်မှာရှိတဲ့ အဖြူနဲ့အမဲ အရောင်ခြယ် အစင်းကျားများကြောင့် ထူးခြားထင်ရှားတဲ့ မြင်းကျားတွေဟာ အာဖရိကတိုက်မှာ အုပ်စုဖွဲ့နေထိုင်ကြပါတယ်။ 🦓 🦓 လူတွေမှာရှိတဲ့ လက်ဗွေဟာ တစ်ယောက်နှင့် တစ်ယောက်မတူသလို မြင်းကျားတွေရဲ့ အစင်းကျားတွေကလည်း တစ်ကောင်နှင့် တစ်ကောင်မတူတဲ့အတွက် အလွယ်တကူခွဲခြားလို့ရပါတယ်။ 🦓 🦓 မြင်းကျားတို့ရဲ့နားတွေဟာ အဘက်ဘက်ကို လှည့်နိုင်ပါတယ်။ 🦓 🦓 မြင်းကျားများကို အိမ်မွေးတိရစ္ဆာန်တွေလို ယဉ်ပါးအောင် မွေးလို့ မရပါဘူး။ 🦓 🦓 မြင်းကျားများဟာ တစ်နာရီကို(၆၅) ကီလိုမီတာနှုန်းနဲ့ ပြေးနိုင်ကြပါတယ်။ 🦓 🦓 မွေးကင်းစမြင်းကျားလေးတွေဟာ မွေးဖွားပြီး (၆) မိနစ် အကြာမှာပဲ မတ်တတ်ရပ်နိုင်ပါတယ်။ 🦓 မြင်းကျားတစ်ကောင်ရဲ့ ကန်ချက်ဟာ ခြင်္သေ့တစ်ကောင်ကိုတောင် သေစေနိုင်လောက်အောင်ထိ ပြင်းထန်ပါတယ်။...
🎊🐲Wish Everyone have happiness, prosperity and good health in this Year of Dragon....🐉🎉
“ချစ်သူများနေ့ (Valentine's Day)” မျက်စိနဲ့လည်းမမြင်နိုင်၊ ထိတွေ့ကြည့်လို့လည်းမရနိုင်သလို ထုထည်ကြီးမားပြီး တိုင်းတာ၍မရနိုင်သည်မှာလည်း ချစ်ခြင်းမေတ္တာတရားပင်ဖြစ်ပါတယ်။ ချစ်ခြင်းမေတ္တာတရားကို အနက်အဓိပ္ပာယ်အမျိုးမျိုးဖွင့်ကြသော်လည်း ချစ်ခြင်းမေတ္တာကို ဖွင့်ဟပြသနိုင်သောနေ့သည် ချစ်သူများနေ့ (Valentine's day) တစ်ရက်သာရှိပါတယ်။ 💕💕 ချစ်ခင်မြတ်နိုးရသူ အချင်းချင်း အပြန်အလှန် လက်ဆောင်အဖြစ် အရုပ်များ၊ ချောကလက်များကို သာမက ရှေးအစဉ်အလာအားဖြင့် ပန်းစည်းများနှင့်သကြားလုံးများကိုလည်း ပေးလေ့ရှိကြပါတယ်။မည်သည့်လက်ဆောင်ပဲဖြစ်ဖြစ် ချစ်ရသူ အမြတ်တနိုး တန်ဖိုးထား၍ ပေးသောစိတ်ရင်းကသာ အဓိကဖြစ်ပါတယ်။💝💝 ချစ်သူနှစ်ဦးအကြား အပြန်အလှန်နားလည်မှု၊ တန်ဖိုးထားလေးစားမှုနဲ့ ကတိကဝတ်တို့ကို အမှတ်ရစေနိုင်သော နေ့ထူးလည်းဖြစ်ပါတယ်။ ချစ်သူများနေ့ (Valentine Day) ဟာ အနောက်တိုင်း ရှေးယဉ်ကျေးမှု အစဉ်အလာနေ့ ဖြစ်ပြီး ယခုအခါ တစ်ကမ္ဘာလုံးမှ အသိအမှတ်ပြုသောနေ့တစ်ခု ဖြစ်ပါတယ်။ 💞💞 ချစ်သူများနေ့(Valentine's day) မှာ ချစ်ရသူလေးနဲ့ ယှဉ်တွဲ လျှောက်လှမ်းပြီး အနားယူအပန်းဖြေရင်း လာရောက်လည်ပတ်ဖို့ ဖိတ်ခေါ်လိုက်ပါတယ်နော် 🤗🤗
ကမ္ဘာ့ရေမြင်းနေ့ (World Hippopotamus Day) ၂၀၂၄ ခုနှစ်၊ ဖေဖော်ဝါရီလ၊ (၁၅) ရက်နေ့ ကမ္ဘာ့ကုန်းမြေတွင်သာမက ရေပြင်တွင်လည်း ရှင်သန်ကျက်စားကြကာ ဂေဟဗေဒစနစ်ကို ညီညွတ်စေရန် ကူညီထိန်းသိမ်းပေးနေသည့် နို့တိုက်သတ္တဝါတစ်မျိုးဖြစ်သော ရေမြင်းများသည် ကုန်းနှင့်ရေ နှစ်မျိုးစလုံးတွင် ရှင်သန်ကျက်စားကြပြီး ကမ္ဘာ့ကုန်းမြေပေါ်ရှိ နို့တိုက်သတ္တဝါများထဲတွင် တတိယ အရွယ်အစား အကြီးမားဆုံးဖြစ်ပါသည်။ 🦛 ရေမြင်းများသည် အာဖရိကတိုက်တွင် ရှင်သန်ကျက်စား နေထိုင်ကြသည်ကို တွေ့ရှိရပြီး ကမ္ဘာပေါ်တွင် ရေမြင်းပု (Pygmy Hippopotamus) နှင့် ရိုးရိုးရေမြင်း (Hippopotamus) ဟူ၍ ရေမြင်းမျိုးစိတ် (၂) မျိုး ရှင်သန်ကျက်စား နေထိုင်ကြပါသည်။ 🦛 Hippopotamus ဟူသော အမည်သည် ဂရိစကားလုံးမှ ဆင်းသက်လာခဲ့ပြီး River Horse (မြစ်မြင်း) သို့မဟုတ် Water Horse (ရေမြင်း) ဟူ၍ အဓိပ္ပာယ်ရပါသည်။ ယခုလက်ရှိ ကမ္ဘာပေါ်တွင် ရှင်သန်ကျန်ရှိနေသေးသည့် ရေမြင်းမျိုးစိတ်များသည် လွန်ခဲ့သော နှစ်ပေါင်း (၈) သန်းခန့်က အာဖရိကတိုက်တွင် စတင်ပေါ်ပေါ်က်ခဲ့သည်ဟူ၍ သိပ္ပံပညာရှင်များက ယုံကြည်ထားခဲ့ကြပါသည်။ 🦛 ရေမြင်းများသည် အာဖရိကတိုက်ရှိ...
🐻 ပသျှူးဝက်ဝံ (Malayan Sun Bear) 🐻 မြန်မာအမည် - ပသျှူးဝက်ဝံ (ခ) ခွေးဝံ အင်္ဂလိပ်အမည် - Malayan sun bear သိပ္ပံအမည် - Helarctos malayanus 🐻 ပသျှူးဝက်ဝံများကို မြန်မာ၊ ထိုင်း၊ လာအို၊ မလေးရှား၊ အိန္ဒိယ၊ ဘင်္ဂလားဒေ့ရှ်၊ တရုတ်ပြည်တောင်ပိုင်း၊ ဆူမားတြားနှင့် ဘော်နီယိုကျွန်းများတွင် တွေ့ရှိရပါတယ်။ ပသျှူးဝက်ဝံများသည် ဝက်ဝံမျိုးစိတ် (၈) မျိုးတွင် အရွယ်အစားအသေးငယ်ဆုံး ဝက်ဝံမျိုးစိတ်ဖြစ်ပါတယ်။ ပသျှူးဝက်ဝံများကို တစ်ကောင်တည်းသော်လည်းကောင်း၊ အထီးအမတွဲ၍သော်လည်းကောင်း သွားလာကျက်စားကြသည်ကို တွေ့မြင်နိုင်ပါတယ်။ 🐻 ညဘက်တွေမှာ ပိုမိုကျက်စားတတ်သည့် သတ္တဝါများဖြစ်ကြပြီး တစ်ခါတစ်ရံ နေ့ဘက်၌ သွားလာလှုပ်ရှားကာ အစာရှာတတ်ကြပါသည်။ နေ့အခါတွင် သစ်ခေါင်းများ၊ သစ်ပင်များရှိ ၎င်းတို့၏ အသိုက်တွင် နေတတ်ကြကာ သစ်ပင်တက်ရာတွင် အလွန်လျင်မြန်ဖျတ်လတ်ကြပါတယ်။ 🐻 ပသျှူးဝက်ဝံ၏ လျှာသည် ပုံမှန်ထက် ရှည်လျားပြီး အသီးအနှံများ၊ ခြကောင်များနှင့် အင်းဆက်ပိုးမွှားများ စားသုံးတတ်သော အစုံစားသတ္တဝါဖြစ်သည့်အပြင် ပျားရည်နှင့် ပျားအုံကို လွန်စွာနှစ်သက်ကြပါတယ်။ 🐻 ဟိမဝန္တာဝက်ဝံနှင့်တူသော်လည်း အမွှေးတို၍...
🐒ဒီဘရာဇာမျောက်အကြောင်း သိကောင်းစရာများ🐒 ဒီနေ့ပြောပြပေးသွားမယ့် အကြောင်းအရာလေးကတော့ တိရစ္ဆာန်ဥယျာဉ် (ရတနာပုံ) မှာ ထိန်းသိမ်းကာကွယ်စောင့်ရှောက်ထားသော မြင်တွေ့ရခက်ခဲလှတဲ့ ဒီဘရာဇာမျောက်တွေရဲ့ အကြောင်းပဲဖြစ်ပါတယ်။ 🤗🤗🤗 မြန်မာအမည် - ဒီဘရာဇာမျောက် အင်္ဂလိပ်အမည် - De Brazza’s Monkey သိပ္ပံအမည် - 𝘊𝘦𝘳𝘤𝘰𝘱𝘪𝘵𝘩𝘦𝘤𝘶𝘴 𝘯𝘦𝘨𝘭𝘦𝘤𝘵𝘶𝘴 🐒 ဒီဘရာဇာမျောက်များသည် အာဖရိကတိုက် အရှေ့ပိုင်းတွင် အများဆုံး ရှင်သန်ကျက်စားကြသည်ကို တွေ့ရှိရပြီး အာဖရိကတိုက်၏ အနောက်ပိုင်းတွင် ရှင်သန်ကျက်စားသည့် အရေအတွက် နည်းပါးကြပါတယ်။ ဒီဘရာဇာမျောက်များ၏ ပျံ့နှံ့ကျက်စားခြင်းသည် အီသီယိုးပီးယားနိုင်ငံ တောင်ဘက်ပိုင်းမှ အန်ဂိုလာနိုင်ငံ မြောက်ဖျားပိုင်းအထိ ကျယ်ပြန့်ကြပါတယ်။ 🐒 ဒီဘရာဇာမျောက်များသည် ကမ္ဘာဟောင်း မျောက်အမျိုးအစားဖြစ်ကြပြီး အလွယ်တကူတွေ့မြင်နိုင်ရန် ခက်ခဲသည့် မျိုးစိတ်တစ်မျိုးဖြစ်ပါတယ်။ လွယ်ကူစွာ မမြင်တွေ့နိုင်သော်လည်း သစ်တောများ၊ မြစ်ချောင်းများ အနီးတစ်ဝိုက်နှင့် ရွှံ့နွံတောများ အနီးတစ်ဝိုက်တွင် တွေ့ရတတ်ပါတယ်။ 🐒 ဒီဘရာဇာမျောက်များသည် သစ်ပင်များပေါ်တွင်သာ အချိန်အများစုကို ကုန်ဆုံးလေ့ရှိတတ်သည့် သတ္တဝါများဖြစ်ကြပြီး မနက်ခင်းနှင့် ညနေခင်းတို့တွင်...
တောင်သူလယ်သမားနေ့ (Peasants' Day) စိုက်ပျိုးရေးကို အခြေခံသော ပြည်ထောင်စုသမ္မတမြန်မာနိုင်ငံတစ်ဝှမ်းလုံးရှိ တောင်သူဦးကြီးများရဲ့ဇွဲလုံ့လဝီရိယ၊ကြိုးစားအားထုတ်မှုနှင့် ကျေးဇူးတရားကို အသိအမှတ်ပြုဂုဏ်ယူသော အထိမ်းအမှတ်ဖြင့် တောင်သူလယ်သမားနေ့ကို မတ်လ (၂)ရက်နေ့တွင် နှစ်စဉ်ကျင်းပခဲ့ပါတယ်။ ၂၀၂၄ ခုနှစ်၊ မတ်လ ၂ ရက်နေ့တွင် ကျရောက်သော တောင်သူလယ်သမားနေ့အား ဂုဏ်ပြုကြိုဆိုအပ်ပါသည်။
World Wildlife Day (ကမ္ဘာ့တောရိုင်းတိရစ္ဆာန်များနေ့) 🐅🦌🦏🦍 မတ်လ ( ၃ ) ရက်နေ့သည် ကမ္ဘာပေါ်ရှိ ရှင်သန် ကျက်စားနေကြသည့် တောရိုင်းတိရစ္ဆာန်များကို ကာကွယ်ထိန်းသိမ်းရန် အသိပညာပေးသည့်အနေဖြင့် World Wildlife Day ကို စတင်ဂုဏ်ပြုခဲ့သည့် နေ့ ဖြစ်ပါတယ်။ 🤗🤗🤗 ၂၀၁၃ ခုနှစ်မှ စတင်၍ United Nation General Assembly မှ World Wildlife Day ကို မတ်လ ( ၃ ) ရက်နေ့တွင် ဂုဏ်ပြုကျင်းပရန် သတ်မှတ်ခဲ့ကြပါတယ်။ ၂၀၂၄ ခုနှစ်၊ World Wildlife Day ဆောင်ပုဒ်မှာ (Connecting People and Planet: Exploring Digital Innovation in Wildlife Conservation) ဟူ၍ ကွန်ပျူတာ ကိန်းဂဏန်းဆိုင်ရာ အချက်အလက်များဖြင့် ဆန်းသစ်တီထွင်၍ တောရိုင်းတိရစ္ဆာန်များကို ထိန်းသိမ်းကာကွယ်ခြင်း ဖြစ်ပါတယ်။ တောရိုင်းတိရစ္ဆာန်များသည် ဂေဟစနစ်ကို ဟန်ချက်ညီမျှအောင် ထိန်းသိမ်းဆောင်ရွက်ကြရာတွင် အရေးပါသော...
အပြည်ပြည်ဆိုင်ရာအမျိုးသမီးများနေ့ (International Women's Day) ကမ္ဘာပေါ်ရှိ တိုင်းပြည်အများစုတွင် အမျိုးသားဦးရေထက် အမျိုးသမီးဦးရေ ပိုမိုများပြားလျက်ရှိသည်။ ဤသို့ အမျိုးသမီးဦးရေများပြားလာမှုနှင့်အတူ အမျိုးသားများနည်းတူ အမျိုးသမီးများကိုလည်း တန်းတူရည်တူအခွင့်အရေးပေးနိုင်အောင် ဆောင်ရွက်ကြရသည်။ အမျိုးသမီးများအခန်းကဏ္ဍကို ကျယ်ကျယ်ပြန့်ပြန့်လုပ်ဆောင်လာကြသည်။ အမျိုးသမီးများ၏ စွမ်းရည်ကို မြှင့်တင်ဆောင်ရွက်လာကြသည်။ ထို့ကြောင့်ပင် နှစ်စဉ်နှစ်တိုင်း မတ်လ ၈ ရက်နေ့ကို အပြည်ပြည်ဆိုင်ရာအမျိုးသမီးများနေ့ (International Women’s Day) အဖြစ်သတ်မှတ်ကာ ကမ္ဘာတစ်ဝန်း အမျိုးသမီးကဏ္ဍကို ကျယ်ပြန့်စွာဖော်ထုတ်ရန် အခမ်းအနားများ ကျင်းပလေ့ရှိသည်။ နှစ်စဉ်ဆောင်ပုဒ်တစ်ခုသတ်မှတ်ထုတ်ပြန်လျက် အမျိုးသမီးကဏ္ဍကို မြှင့်တင်ရန် အသိပေးလေ့ရှိသည်။ အမျိုးသမီးများ စွမ်းရည်ကို မြှင့်တင်ပေးပြီး တိုင်းပြည်နှင့် လူမျိုး ဖွံ့ဖြိုးတိုးတက်အောင် လုပ်ကိုင်ဆောင်ရွက်ကြရန် အသိပေးတိုက်တွန်းထားခြင်းဖြစ်သည်။ ကမ္ဘာ့လူဦးရေ တိုးတက်များပြားလာချိန် ဤသို့တိုက်တွန်းလိုက်ခြင်းသည် အလွန်ပင် အကြောင်းအကျိုး ဆက်စပ်မှုရှိလာသည်။ ခေတ်ကာလ အခြေအနေအရ လိုက်လျောညီထွေရှိလှသော တိုက်တွန်းဆော်ဩမှုပင်ဖြစ်သည်။ အမျိုးသမီးများ၏ ပင်ကိုဗီဇသည် များသောအားဖြင့် အားနွဲ့ကြသူများဖြစ်သော်လည်း အမျိုးသားများနှင့်အပြိုင် ကာယအား၊ ဉာဏအား၊ စိတ်ဓာတ်စွမ်းအားများ မွေးမြူနိုင်ရမည်။ အမျိုးသားများနည်းတူ လက်ရုံးရည်၊ နှလုံးရည်စွမ်းရည်များ ကြံ့ခိုင်သူများဖြစ်အောင် ကြိုးစားအားထုတ်နိုင်ရမည်။ အရည်အချင်းပြည့်ဝပြီး စိတ်ဓာတ်ကြံ့ခိုင်အောင် ကြိုးစားရမည်။ လုပ်ရည်ကိုင်ရည် ထက်ထက်မြက်မြက် လုပ်ကိုင်နိုင်ကြရမည်ဖြစ်သည်။ သို့မှသာ အမျိုးသမီးများ၏...
အရှေ့တောင်အာရှ တိရစ္ဆာန်ဥယျာဉ်များနှင့် ငါးပြတိုက်များအစည်းအရုံး (Southeast Asia Zoos and Aquariums Association-SEAZA) အဖွဲ့ကြီး၏ လုပ်ငန်းခွဲကော်မတီတစ်ခု ဖြစ်သည့် Animal Welfare and Ethic Committee-AWEC သည် ပုံမှန်ကျင်းပမြဲဖြစ်သော Online Zoom Meeting ကို ၂၀၂၄ ခုနှစ်၊ မတ်လ(၆) ရက်နေ့ နေ့လည် (၁:၃၀) မှ (၂:၃၀) ထိ ကျင်းပပြုလုပ်သွားခဲ့ရာ မြန်မာနိုင်ငံ၊ Htoo Zoos and Gardens Business မှ AWEC ကော်မတီဝင် ဒေါက်တာမြင့်သိန်း တက်ရောက်ဆွေးနွေးခဲ့ပါသည်။ အဆိုပါအစည်းအဝေးတွင် ကော်မတီသည် SEAZA မှချမှတ်ပေးထားသော တိရစ္ဆာန်မျိုးစိတ်များ၏ မွေးမြူခြင်းဆိုင်ရာ လမ်းညွှန်ချက် (Husbandry Guideline) ကို ရေးဆွဲမည်ဖြစ်ပြီး ကနဦးစီမံကိန်း Pilot Project အတွက် Best Practice Guidelines များရှိပြီးဖြစ်သည့် လူဝံမျိုးစိတ် အော်ရမ်အူတန် (Orangutan) အား ရွေးချယ်ခဲ့ကြပါသည်။ ထို့အပြင် AWEC အနေဖြင့် တိရစ္ဆာန်များ၏ ကောင်းကျိုးချမ်းသာဖော်ဆောင်နိုင်ရေးနှင့် ပတ်သက်ပြီး လက်ရှိစစ်ဆေးတွေ့ရှိခဲ့သည့် အတွေ့အကြုံများကို ဖလှယ်ခဲ့ကြပြီး အစည်းအဝေးတွင် တိရစ္ဆာန်ဥယျာဉ်များရှိ တိရစ္ဆာန်များ၏...
🐻 ကမ္ဘာ့ဝက်ဝံများနေ့ 🐻 (World Bear Day) ကမ္ဘာပေါ်တွင် အာရှတိုက်၊ ဥရောပတိုက်၊ တောင်အမေရိကတိုက်နှင့် မြောက်အမေရိကတိုက်ကြီးများတွင် ဝက်ဝံမျိုးစိတ် (၈) မျိုး ပျံ့နှံ့ ရှင်သန်ကျက်စားကြပါတယ်။ ထိုမျိုးစိတ် (၈) မျိုးထဲမှ (၂) မျိုးသည် မြန်မာနိုင်ငံတွင် ရှင်သန်နေထိုင်ကျက်စားသည်ကို တွေ့ရှိရပါတယ်။ ဝက်ဝံမျိုးစိတ် ( ၈ ) မျိုးမှာ North American Black Bear, Brown Bear, Polar Bear, Asiatic Black Bear, Andean Bear, Panda Bear, Sloth Bear နှင့် Sun Bear တို့ ဖြစ်ကြပြီး မြန်မာနိုင်ငံတွင် ဟိမဝန္တာဝက်ဝံ (Asiatic Black Bear) နှင့် ခွေးဝံ (ခေါ်) ပသျှူးဝက်ဝံ (Sun Bear) ဟူ၍ မျိုးစိတ် (၂)မျိုး ရှင်သန်နေထိုင်ကြပါတယ်။ ၁၉၉၂ ခုနှစ်မှ စတင်၍ ကမ္ဘာ့ဝက်ဝံများနေ့ကို ကျင်းပခဲ့ရာ ယခုဆိုလျှင် နှစ်ပေါင်း (၃၂) နှစ်တိုင်ခဲ့ပြီဖြစ်ပါတယ်။ ကမ္ဘာ့ဝက်ဝံများနေ့ ကျင်းပရခြင်း၏...
🦁🐯🐻 ၃၅ နှစ်မြောက် ကျောက်စိမ်းရတုနှစ်ပတ်လည်နှင့် သင်္ကြန်အကြိုစျေးရောင်းပွဲတော် 🐼🐨🦒 ၁၉၈၉ ခုနှစ်၊ ဧပြီလ (၈) ရက်နေ့တွင် စတင်ဖွင့်လှစ်ခဲ့သော တိရစ္ဆာန်ဥယျာဉ် (ရတနာပုံ) သည် ယခုနှစ်တွင် (၃၅) နှစ်ပြည့်မြောက်ပြီး ကျောက်စိမ်းရတုသို့တိုင်ခဲ့ပြီ ဖြစ်ပါတယ်။ ✨🎂🎉 တိရစ္ဆာန်ဥယျာဉ် (ရတနာပုံ) ၏ (၃၅) နှစ်မြောက် ကျောက်စိမ်းရတု နှစ်ပတ်လည်နှင့် သင်္ကြန်အကြိုစျေးရောင်းပွဲတော်ကို ဧပြီလ (၇) ရက်နေ့မှ (၈) ရက်နေ့အထိကျင်းပပြုလုပ်သွားမှာဖြစ်ပါတယ်။ သင်္ကြန်အကြိုစျေးရောင်းပွဲတော်အတွင်း လာရောက်လည်ပတ်ကြသော မိဘပြည်သူများအား - စတုဒီသာကျွေးမွေးခြင်း - အမှတ်တရလက်ဆောင်များပေးအပ်ခြင်း - သားသားမီးမီးတို့အတွက် ရေကစားမဏ္ဍပ်နှင့် တိရစ္ဆာန်လေးများနဲ့ပတ်သက်၍ အသိပညာပေးအစီအစဉ်များလဲ ကျင်းပပြုလုပ်ပေးသွားမှာဖြစ်လို့ လာရောက်လည်ပတ်ဖို့ ဖိတ်ခေါ်လိုက်ပါတယ်နော် 🤗🤗🤗 ပွဲတော်ရက်များအတွင်း Product Promotions လုပ်ချင်သူများနှင့် စျေးရောင်းချချင်သူများအနေနဲ့အသေးစိတ်ကို Yadanarbon Zoo Pageနဲ့ ဖုန်း 09401220200 ၊ 09450037909 မှာ လာရောက်မေးမြန်းစုံစမ်းနိုင်ပါတယ်။
🎉 Happy National Zoo Lovers Day! 🐾❤️ တိရစ္ဆာန်ဥယျာဉ်ချစ်သူများနေ့ ( National Zoo Lovers Day) ကို နှစ်စဉ် ဧပြီလ (၈) ရက်နေ့၌ အမေရိကန်နိုင်ငံတွင် အဓိက ကျင်းပပြုလုပ်လေ့ရှိပါတယ်။ တိရစ္ဆာန်ဥယျာဉ်ချစ်သူများနေ့ကို - တောရိုင်းတိရစ္ဆာန်ထိန်းသိမ်းရေးနှင့် ပတ်သက်၍ အသိအမြင်များ ပိုမိုတိုးပွါးလာစေရန် - မျိုးသုဉ်းလုနီးပါးမျိုးစိတ်များကို ထိန်းသိမ်းကာကွယ် စောင့်ရှောက်ရေးလုပ်ငန်းများတွင် ဝိုင်းဝန်းကူညီဆောင်ရွက်နိုင်ရန် - မိမိနိုင်ငံတွင်းရှိ တိရစ္ဆာန်ဥယျာဉ်များနှင့် ဥယျာဉ်များအတွင်း ထိန်းသိမ်းမွေးမြူစောင့်ရှောက်ထားသည့် တောရိုင်းတိရစ္ဆာန်များကို ပိုမိုချစ်ခင်မြတ်နိုးကာ ယင်းတို့၏ ကောင်းကျိုးချမ်းသာအတွက် ပိုမိုဆောင်ရွက်နိုင်စေရန် - လူအများကို သဘာဝနှင့် ပိုမိုနီးစပ်လာစေရန် - တိရစ္ဆာန်ဥယျာဉ်များတည်ရှိနေခြင်း၏ အရေးကြီးသော အခန်းကဏ္ဍကို အသိအမှတ်ပြုရန်နှင့် တိရစ္ဆာန်ဥယျာဉ်များ ဖွံ့ဖြိုးတိုးတက်ရေးတွင် ပိုမိုပူးပေါင်းပါဝင်လာစေရန် စသည့် ရည်ရွယ်ချက်များဖြင့် ကျင်းပပြုလုပ်ခြင်းဖြစ်ပါတယ်။ 🌿 🐾❤️ ဒီနေ့မှာတော့ တိရစ္ဆာန်ဥယျာဉ်နဲ့ပတ်သက်တဲ့ အမှတ်တရလေးတွေနှင့် ဥယျာဉ်အတွင်းမှာထိန်းသိမ်းစောင့်ရှောက်ထားတဲ့ ဘယ်တိရစ္ဆာန်လေးတွေကို အနှစ်သက်ဆုံးလဲဆိုတာကို မျှဝေပေးသွားကြပါဦး 🐯🐻🐵
မြန်မာ့နှစ်ကူး အချိန်အခါသမယမှာ ကိုယ်စိတ်နှစ်ဖြာ ရွှင်လန်းချမ်းမြေ့ပြီး လိုအင်ဆန္ဒများပြည့်ဝပါစေကြောင်း တိရစ္ဆာန်ဥယျာဉ် (ရတနာပုံ) မိသားစုမှ ဆုမွန်ကောင်းတောင်းအပ်ပါတယ်။ 💦🌿
🐅🐆မျိုးသုဉ်းရန်အန္တရာယ်ရှိသောမျိုးစိတ်များနေ့ (Endangered Species Day) 🦏🐘 မျိုးသုဉ်းရန်အန္တရာယ်ရှိသောမျိုးစိတ်များနေ့ (Endangered Species Day) ဆိုသည်မှာ တောရိုင်းတိရစ္ဆာန်နှင့် မျိုးစိတ်များကို ထိန်းသိမ်းကာကွယ်စောင့်ရှောက်ရန် လူတိုင်းတွင် တာဝန်ရှိကြောင်းကိုအသိပညာပေးတဲ့ နေ့တစ်နေ့ဖြစ်ပါတယ်။ 🐅🦏🌳 "မျိုးသုဉ်းရန်အန္တရာယ်ရှိသော" ဟူသည့် စကားရပ်၏ အဓိပ္ပါယ်မှာ လူ (သို့မဟုတ်) ပြင်ပ သက်ရောက်မှုတစ်ခုခုကြောင့် နေရင်းဒေသအတွင်းရှိ ဇီဝမျိုးစိတ်တစ်မျိုး၏ အရေအတွက်သည် စံသတ်မှတ်ချက်များအရ အလွန်အမင်းကျဆင်းနေခြင်းကို ဆိုလိုခြင်းဖြစ်ပါတယ်။ 🦏🐘🌳 မျိုးစိတ်ဟု ခေါ်ဆိုရာတွင် မျိုးရိုးဗီဇ ဖလှယ်ခြင်း (သို့မဟုတ်) အပြန်အလှန်ပေါက်ပွားနိုင်သော သတ္တလောကနှင့် ရုက္ခလောကရှိ ဇီဝရုပ်များကို ဆိုလိုခြင်းဖြစ်ပါတယ်။ 🐢🐘🌳 ကမ္ဘာကြီးရဲ့ ဂေဟစနစ် ပြောင်းလဲလာခြင်း၊ ကမ္ဘာ့လူဦးရေ ပိုမိုများပြား တိုးပွားလာခြင်း၊ အလွန့်အကျွံ့ အမဲလိုက်ခံရခြင်း၊ ရှင်သန်ပေါက်ဖွားရာ နေရင်းဒေသများ နည်းပါးလာခြင်းတို့က မျိုးစိတ်များ မျိုးသုဉ်းပျောက်ကွယ်သွားနိုင်သည့် အန္တရာယ်နှင့်နီးစပ်ကာ ကမ္ဘာကြီးပေါ်မှ အပြီးတိုင်ပျောက်ကွယ်မည့် အရေးနှင့် ရင်ဆိုင်ကြုံတွေ့နေကြရပါတယ်။ 🐅🌱🌳🌏 မျိုးသုဉ်းမည့်အန္တရာယ်နှင့် ရင်ဆိုင်ကြုံ တွေ့နေရသော ဇီဝမျိုးစိတ်များထဲတွင် နို့တိုက်သတ္တဝါမျိုးစိတ်များ၊ ငှက်မျိုးစိတ်များ၊...
🐢 ကမ္ဘာ့လိပ်များနေ့ (World Turtle Day) 🐢 နှစ်စဉ် မေလ (၂၃) ရက်နေ့ကို ကမ္ဘာ့လိပ်များနေ့အဖြစ် သတ်မှတ်ထားပြီး လူထုအတွင်း ထိန်းသိမ်းကာကွယ် စောင့်ရှောက်ရေး အသိအမြင်များ တိုးပွါးလာစေရန် ရည်ရွယ်၍ ကျင်းပပြုလုပ်ခြင်း ဖြစ်ပါတယ်။ လိပ်များ၏သမိုင်းကြောင်းကို ဖော်ပြရမည်ဆိုလျှင် ရှေးလွန်ခဲ့သော နှစ်သန်းပေါင်းများစွာ ဒိုင်နိုဆောသတ္တဝါ (Dinosaurs) များ မပေါ်ပေါက်ခင်ကာလ၊ နှစ်သန်းပေါင်း (၃၉၅ မှ ၂၂၅) ပလီအိုဇိုအစ် (Paleozoic Era) ခေတ်အတွင်းရှိ ပါမီယမ် (Permian Period) ကာလ၊ လွန်ခဲ့သော နှစ်သန်းပေါင်း (၂၉၀) ခန့်ကတည်းက ကမ္ဘာမြေပေါ်သို့ ပထမဦးဆုံး အောင်မြင်စွာ လုံးလုံးလျားလျား ခြေချနိုင်ခဲ့သည့် ရှေးကျသော တွားသွားသတ္တဝါများ (Primitive Reptiles) မှ တစ်ဆင့်၊ ဆင့်ကဲဖြစ်စဉ်အရ တိုးတက်ပြောင်းလဲလာပြီး လွန်ခဲ့သော နှစ်သန်းပေါင်း(၂၆၀) ခန့်မှစတင်ပြီး ကမ္ဘာမြေပေါ်တွင် ယနေ့ထက်တိုင် နှစ်ပေါင်းရှည်ကြာစွာ ရှင်သန်ပေါက်ပွားနေထိုင်လာခဲ့ကြသည့် တွားသွားသတ္တဝါများဖြစ်ကြပါတယ်။ 🐢🌏 ကမ္ဘာမြေပေါ်တွင် ယနေ့ထက်တိုင် နှစ်သန်းပေါင်းရှည်ကြာစွာ ရှင်သန်ပေါက်ပွား နေထိုင်လာခဲ့ကြသည့် တွားသွားသတ္တဝါများ ဖြစ်ကြသည့်...
🦦 ကမ္ဘာ့ဖျံများနေ့ (World Otter Day) 🦦 နှစ်စဉ်နှစ်တိုင်း မေလ၏နောက်ဆုံးသော ဗုဒ္ဓဟူးနေ့ကို ကမ္ဘာ့ဖျံများနေ့အဖြစ် International Otter Survival Fund (IOSF) မှ စတင်ဂုဏ်ပြုသတ်မှတ်ထားပြီး ဖျံမျိုးစိတ်များ၏ ဂေဟစနစ်အတွင်း အရေးပါပုံကို သိရှိစေရန်နှင့် ဖျံမျိုးစိတ်တို့၏ ရှင်သန်ကျက်စားနိုင်သည့် နေရာများ လျော့နည်းလာခြင်း အစရှိသည်တို့ကို သတိပြုမိစေရန် ရည်ရွယ်၍ ကျင်းပပြုလုပ်ခြင်း ဖြစ်ပါတယ်။ 🎉🎉🎉 ဖျံများသည် သွက်လက်သော ပင်ကိုယ်သဘာဝရှိကြပြီး အသိဉာဏ်မြင့်မားသော မျိုးစိတ်တစ်မျိုး ဖြစ်ပါတယ်။ ဖျံမျိုးစိတ်ပေါင်း (၁၃) မျိုးထိရှိကြပြီး ဩစတေးလျတိုက်နှင့် အန္တာတိကတိုက်တို့မှလွဲ၍ ကမ္ဘာပေါ်ရှိ တိုက်ကြီးများ၏ ရေချိုမြစ်ချောင်း အများစုတွင် တွေ့ရှိရသလို ပင်လယ်ကမ်းရိုးတန်း ဒေသတွင်လည်း တွေ့ရှိရပါတယ်။ ဖျံမျိုးစိတ် (၁၃) မျိုးထဲတွင် Giant Otter သည် အရွယ်အစားအကြီးဆုံးဖြစ်ပြီး တောင်အမေရိကတိုက်၏ အမေဇုန်မြစ်၊ လာပလာတာမြစ်နှင့် အော်ရီနိုကိုမြစ်တစ်လျောက်တွင် တွေ့ရှိနိုင်ပါတယ်။ 🦦🦦🦦 ဖျံမျိုးစိတ်တစ်မျိုးဖြစ်သော Sea Otter of North America (ပင်လယ်ဖျံ)...
🐊 ကမ္ဘာ့မိကျောင်းများနေ့ (World Crocodile Day) 🐊 နှစ်စဉ် ဂျွန်လ (၁၇) ရက်နေ့ကို ကမ္ဘာ့မိကျောင်းများနေ့အဖြစ် သတ်မှတ်ထားပြီး မိကျောင်းများ၏ မျိုးသုဉ်းလုနီးပါးအန္တရာယ်နဲ့ ရင်ဆိုင်ကြုံတွေ့နေရသောအခြေအနေနှင့် လူထုအတွင်း ထိန်းသိမ်းကာကွယ် စောင့်ရှောက်ရေး အသိအမြင်များ တိုးပွါးလာစေရန် ရည်ရွယ်၍ ကျင်းပပြုလုပ်ခြင်း ဖြစ်ပါတယ်။ 🎉🎉🎉 မိကျောင်းများကို ကမ္ဘာ့နေရာတိုင်းနီးပါးတွင် တွေ့ရှိနိုင်ပြီး ရေချိုနှင့် ရေငန်နှစ်မျိုးစလုံးတွင် ရှင်သန်နေထိုင်နိုင်ကြပါတယ်။ မိကျောင်းများဟာ ငါး၊ ငှက်များနှင့် နို့တိုက်သတ္တဝါများကို ဖမ်းဆီးစားသောက်တတ်ပါတယ်။ 🐟🐊 မိကျောင်းများ၏ ပျမ်းမျှ သက်တမ်းမှာ နှစ်ပေါင်း (၇၀) ခန့်ရှိပြီး၊ ထိန်းသိမ်း မွေးမြူစောင့်ရှောက်ထားသည့် နေရာများတွင် သက်တမ်း နှစ် (၁၀၀) ကျော်အထိ ရှင်သန်နေထိုင်နိုင်ပါတယ်။ 🐊🐊🐊 မြန်မာနိုင်ငံတွင် မိကျောင်းမျိုးစိတ် (၄) မျိုး ရှင်သန်ပေါက်ဖွားခဲ့ကြောင်း မှတ်တမ်းမှတ်ရာများအရ သိရှိခဲ့ရသော်လည်း ယခုအခါတွင် ရေချို ရေငန်စပ် မိကျောင်းမျိုးစိတ်တစ်မျိုးတည်းသာ ဧရာဝတီတိုင်းဒေသကြီးတွင် ရှင်သန်ပေါက်ပွါးနေထိုင်လျက်ရှိပါတယ်။ 🐊🐊🐊 သို့ဖြစ်ပါ၍ မိကျောင်းမျိုးစိတ်များ ရေရှည်တည်တံ့စေရန်နှင့် မျိုးသုဉ်း...
"မြန်မာ့ရွှေသမင် (Myanmar Thamin (or) Eld's Deer" မြန်မာနာမည် - ရွှေသမင်🦌🦌 အင်္ဂလိပ်နာမည် - Myanmar Thamin (or) Eld's Deer သိပ္ပံနာမည် - Rucervus eldii thamin 👉👉မြန်မာ့ရွှေသမင်များသည် ခွာစုံနို့တိုက်သတ္တဝါများဖြစ်ကြပြီး မြန်မာနိုင်ငံအလယ်ပိုင်း၊ မကွေးတိုင်းဒေသကြီး၊ မင်းဘူးခရိုင်၊ ရွှေစက်တော်တောရိုင်း တိရစ္ဆာန်ဘေးမဲ့တောဥယျာဉ်နှင့် စစ်ကိုင်းတိုင်းဒေသကြီး၊ ရွှေဘိုခရိုင်၊ ချပ်သင်းတောရိုင်း တိရစ္ဆာန်ဘေးမဲ့တောတို့တွင် တွေ့ရှိရပါ သည်။ 👉👉ခန္ဓာကိုယ်တွင် နီညိုရောင်အမွေးအမျှင်များဖြင့် ဖုံးအုပ်ထားပြီး အထီးများမှာ အလွန် လှပသည့် လေးကိုင်းပုံသဏ္ဍန်ရှိ ဦးချို(ဂျို) များကို ပိုင်ဆိုင်ထားကြပါသည်။ သမင်အထီးများ သည် တစ်နှစ်လျှင်တစ်ကြိမ် 🗓️🗓️ဇွန်၊ ဇူလိုင်လများ အတွင်းတွင် ဦးချို(ဂျို) ချ (လဲ) တတ်ပါသည်။ အမများတွင် ဦးချို(ဂျို) မပါရှိပါ။ သမင်များသည် ဆောင်းအကုန် နွေဦးကာလများအတွင်း ရက် သတ္တ(၁−၂) ပတ်ခန့် ခန္ဓာကိုယ်ဘေးဘက်၊ ဝမ်းဗိုက်နှင့် လည်ပင်းများပေါ်ရှိ အမွေးများကျွတ်၍ လဲတတ်ပါသည်။ 👉👉သမင်အထီးများ၏ဦးချို(ဂျို)သည် မိတ်လိုက်ချိန်တွင် အလှဆုံးနှင့် အသန်မာဆုံးအချိန် ဖြစ်ပါသည်။ မိတ်လိုက်ချိန်မှာ မတ်လနှင့် ဧပြီလများ တွင်မိတ်လိုက်တတ်ပြီး၊ သားပေါက်ချိန်မှာ...
"ကမ္ဘာ့မြွေထိန်းသိမ်းရေးနေ့ (World Snake Day)" နှစ်စဉ် ဇူလိုင်လ (၁၆) ရက်နေ့ကို ကမ္ဘာ့မြွေထိန်းသိမ်းရေးနေ့ (World Snake Day) အဖြစ် သတ်မှတ်ပြီး 🌏🌏ကမ္ဘာအနှံအပြားမှ တိရစ္ဆာန်ဥယျာဉ်များတွင် မြွေများနှင့်ပတ်သက်၍ လူထုအတွင်း ထိန်းသိမ်းစောင့်ရှောက်ရေးအသိအမြင်များ တိုးပွားလာစေရန် ရည်ရွယ်၍ ပညာပေးလှုပ်ရှားမှုများ ကျင်းပပြုလုပ်ကြပါသည်။ 👉👉မြွေများနှင့် ပတ်သက်၍ ဒဏ္ဍာရီများ၊ ရိုးရာပုံပြင်များတွင် လွဲမှားစွာဖော်ပြလေ့ရှိကြပြီး မြွေများ သည် Veranidae မျိုးရင်းဝင် 🐊🐊ဖွတ်အုပ်စုမှ ဆင်းသက်လာသည်ဟု ယုံကြည်ကြပါသည်။ Veranidae မျိုးရင်းဝင်ဖွတ်များသည် မြွေများနှင့်အနီးစပ်ဆုံး သက်ရှိဆွေမျိုးများ ဖြစ်ကြပြီး ဆင့်ကဲဖြစ်စဉ်များ အရ Veranidae မျိုးရင်းဝင်များသည် ခြေလက်များပျောက်ကွယ်သွားပြီး မြွေများအဖြစ်သို့ အသွင်ကူး ပြောင်းလာဟု သိရှိကြရပါသည်။ 🐍🐍 🦎🐊တွားသွားသတ္တဝါ မြွေမျိုးစိတ်များသည် လွန်ခဲ့ သော နှစ်သန်းပေါင်းများစွာ ကတည်းက 🦖🦕ဒိုင်နိုဆော်များနှင့် အတူရှင်သန်ခဲ့ပြီး ဒိုင်နိုဆော်များ မျိုးသုဉ်းပျောက်ကွယ် သွားသော်လည်း ယနေ့ အထိတိုင် မြွေများသည် ကမ္ဘာပေါ်တွင် သက်ရှိထင်ရှား...
👉👉ရွှေမန်းမြေရဲ့ 🌲🌲အပန်းဖြေစရာ နေရာတွေထဲက အထင်ကရနေရာတစ်ခု ဖြစ်တဲ့ 🌲🦓🐒🐅🐆တိရစ္ဆာန်ယျာဉ် (ရတနာပုံ) သည် ၇၀ x ၇၃ ကြား ၊ ၁၂ လမ်း ၊ ဥပုသ်တော်ရပ်ကွက် ၊ အောင်မြေသာစံမြို့နယ် ၊ မန္တလေးမြို့ မှာတည်ရှိပါတယ်📣📣 👉👉တိရစ္ဆာန်ယျာဉ် (ရတနာပုံ) ကို အခါကြီး ရက်ကြီးများနှင့် လပြည့်လကွယ်နေ့များမှာပါ ပိတ်ရက်မရှိ ဖွင့်လှစ်ပေးထားတာမို့ လာရောက်လေ့လာ အနားယူ အပန်းဖြေ လည်ပတ်ဖို့ ဖိတ်ခေါ်လိုက်ပါတယ်📣📣🤗🤗 နေ့စဥ်⏳⏳ နံနက် (၈:၀၀) နာရီမှ 🕗🕗 ညနေ (၄:၀၀) နာရီထိ ဖွင့်လှစ်ထားပြီး🕓🕓 ဝင်ကြေး လူကြီး -၂၅၀၀💁♂️💁♀️ ကလေး - ၁၅၀၀ 👧👦ကျပ် ဖြင့် လာရောက်လည်ပတ်နိုင်ပါတယ်ရှင်🤗🤗
"အဖြေမှန်သူ Free Ticket ယူ" 👉👉Yadanarbon Zoo ရဲ့ ❓❓Quiz Time အစီအစဉ်လေး လာပါပြီနော်📣📣 👉👉မေးထားတဲ့မေးခွန်းလေးတွေကို 💬💬 Comment မှာ လာရောက် ဖြေဆိုရုံနဲ့ 👫👬👭မိသားစုလိုက် 🦓🐅🐘🐆Yadanarbon zoo ကို Free Ticket လေးတွေနဲ့ လာရောက်လည်ပတ်လို့ရမယ့် အခွင့်အရေးလေးပါနော်🤗🤗 👉👉အရင်ဆုံး Post လေးကို like & Share လေး လုပ်ပေးပါ 👉👉မေးခွန်းလေးရဲ့ အဖြေကို 💬💬comment မှာ ဖြေဆိုပေးရမှာပါရှင်🤗🤗 👉👉Yadanarbon Zoo ဘက်မှ အဖြေမှန်သူတွေထဲက 👪👪(၃)ဦးကို မဲဖောက်ပေးပြီး ✨✨မဲပေါက်သူ (၁)ဦးလျှင် မိသားစု၀င် (၅)ဦး အထိ Yadanarbon Zoo ရဲ့ Free Ticket ကို ရရှိမှာဖြစ်ပါတယ်နော်🤗🤗 ✨အဆင်သင့်ဆို စလိုက်ကြရအောင်နော်✨
✨အပြည်ပြည်ဆိုင်ရာ လင်းတထိန်းသိမ်းရေးအသိပညာမြှင့်တင်ရေးနေ့✨ 👉👉🌍🌎ကမ္ဘာပေါ်တွင် ✨🗾အန္တာတိကတိုက်နှင့် ✨🗾သြစတြေလျှတိုက်မှလွဲ၍ ကျန်တိုက် ကြီးများ တွင် နေထိုင် ကျက်စားကြသော လင်းတများကို တိရစ္ဆာန်ဥယျာဉ် (ရတနာပုံ) တွင် စနစ်တကျ မွေးမြူပြသထားပါတယ်ရှင် 🤗🤗 👉👉🌎ကမ္ဘာပေါ်တွင်လင်းတမျိုးစိတ်ပေါင်း (၂၃) မျိုး ရှင်သန်ပေါက်ပွားနေထိုင်ကြပြီး အမေရိကတိုက်တွင် နေထိုင်သော လင်းတ မျိုးစိတ်များကို ✨✨🌍ကမ္ဘာသစ်လင်းတဟုခေါ်ပြီး အာရှတိုက်၊ ဥရောပတိုက်နှင့် အာဖရိကတိုက်တို့တွင်တွေ့ရှိရသော လင်းတမျိုးစိတ်များကို ✨✨🌍ကမ္ဘာဟောင်းလင်းတ မျိုးစိတ်များရယ်လို့ ခွဲခြားသတ်မှတ်ထားပါတယ် 👉👉လင်းတများရဲ့ အမူအကျင့် များက သဘာဝ ပတ်ဝန်းကျင်ကိုသန့်ရှင်းစေရုံသာမက မြေကြီးကိုလည်း မြေသြဇာကောင်းမွန်အောင် အထောက်အကူပြုပေးပြန်ပါတယ်🤗🤗 👉👉လင်းတတွေရဲ့ထူးခြားတဲ့ အမူအကျင့်ကတော့ ဆွေးမြေ့နေသော ရုပ်အလောင်းများ၏ အကြွင်းအကျန်များကို သန့်ရှင်းပေးခြင်းဖြင့် အနံ့ အသက်ဆိုးများကို ကာကွယ်တားဆီးနိုင်သည့်အပြင် ကာဗွန်ထုတ်လွှတ်မှုကို သိသိသာ သာ လျှော့ချပေးနိုင်ပြီး ဗက်တီးရီးယာ ကြောင့်ဖြစ်ပေါ်နိုင်သည့် အဆိပ်သင့်ရောဂါ (botulism) နှင့် ပလိပ်ရောဂါကဲ့သို့သော ဘက်တီးရီးယားများကို ဖယ်ရှားပေးပါတယ်✨✨ 👉👉လင်းတမျိုးစိတ်များ အကောင်ရေလျှော့နည်းလာခြင်း၏ အဓိကပြဿနာမှာ အဆိပ်သင့် အသေကောင်များကို စားသုံးမိခြင်းကြောင့် 👉👉လင်းတမျိုးစိတ်များ မျိုးသုဉ်းမည့်အန္တရာယ် နှင့် ရင်ဆိုင်ကြုံတွေ့နေကြရပါသည်။ ယခုအခါနိုင်ငံတကာမှ 👉👉လင်းတမျိုးစိတ်များ...
သင်သိပါသလား…………………………………????🤔 ရေမြင်းတွေဟာ ရေထဲတွင်ရေမကူးပဲ လမ်းလျှောက်ကြတယ်ဆိုတာ🤭 - 🦛ရေမြင်းတွေဟာ ရေထဲတွင် ခန္ဓာကိုယ်တစ်ခုလုံးကို နှစ်မြုပ်ထားပင်မဲ့ သူတို့ရဲ့ မျက်လုံး၊ နားနှင့် နှာခေါင်းတွေကို ရေပေါ်တွင်ဖော်ထားနိုင်သောကြောင့် ပတ်ဝန်းကျင်ကို ကောင်းမွန်စွာ မြင်နိုင်ကြားနိုင်တဲ့အပြင် အသက်ရှူခြင်းကိုလည်း ပြုလုပ်နိုင်ကြပြီး နှာခေါင်းပေါက်များကို ရေအောက်တွင် ရေစိမ်ရန်နှင့် ရေငုပ်သည့်အခါ ပိတ်ထားနိုင်ကြပါတယ်။ 🦛 -🦛ရေမြင်းတွေဟာ တစ်ခါရေငုပ်လျှင် ( ၅ ) မိနစ်ခန့်⏱️ ရေငုပ်နိုင်ပြီး ရေထဲတွင် ရေကူးသည်ဟုသိရှိထားသော်လည်း အမှန်မှာ သူတို့၏ ကြီးမားထူထဲတဲ့ ခန္ဓာကိုယ်ကြောင့် ရေထဲတွင် ပေါလောပေါ်ရန်ပင် ခက်ခဲလှပါတယ်။ ထို့ကြောင့် ရေမြင်းများသည် ရေထဲတွင် ရေမကူးကြပဲ ရေအောက်ကြမ်းပြင်ကို ခြေထောက်နဲ့တွန်းကန်ခြင်းဖြင့် ရေပေါ်တွင်လမ်းလျှောက်နိုင်ကြပါတယ်။🦛 ဒါကြောင့် ခုလိုဗဟုသုတရစေမဲ့ အကြောင်းအရာတွေကိုကိုယ်တိုင်ခံစားကြည့်ရှုနိုင်ဖို့ ရတနာပုံတိိရစ္ဆာန်ဥယျာဉ်ကို ခုပဲလှမ်းလာခဲ့ကြတော့နော်....🐒🦍🦝🦊🐯🦁🦓🦌
🦃ကမ္ဘာ့ ကက်ဆိုဝါရီနေ့(World Cassowary Day)🦃Cassowary ဟာဆိုရင် အရောင်အသွေးတောက်ပပြီး ကြီးမားသန်မာတဲ့ ဒိုင်နိုဆော မျိုးစိတ်လိုမျိုး ခြေထောက်ရှိပြီး မပျံသန်းနိုင်တဲ့ ငှက်ကြီးမျိုးဖြစ်ပါတယ်။ Cassowary ငှက်မျိုးစိတ် (၃)😳မျိုးရှိပါတယ်။ အဲ့ဒါတွေကတော့ Southern Cassowary ၊ Northern Cassowary နှင့် Dwarf Cassowary တို့ပဲဖြစ်ပါတယ်။ ကတ်ဆိုဝါရီ ငှက်မျိုးစိတ် (၃) မျိုးထဲမှ အကြီးဆုံးဖြစ်တဲ့ Southern Cassowary ကို တိရစ္ဆာန်ဥယျာဉ်(ရန်ကုန်) တွင် ထိန်းသိမ်းမွေးမြူစောင့်ရှောက်ထားပါတယ်။😱 ထို့နောက် ၎င်းတို့ကိုဩစတေးလျနိုင်ငံနှင့် နယူးဂီနီကျွန်းများ🏝️ တွင် တွေ့ရှိရပါတယ်။ Cassowary တွေရဲ့အသွင်အပြင်ခန္ဓာလက္ခဏာဟာဆိုရင်ကိုယ်တွင်တောက်ပလှသော အနက်ရောင်အမွေးများရှိပြီးဦးခေါင်းတွင် ကြီးမားသည့် အမောက်ပါရှိ၍ လည်ပင်းသည် ခရမ်းရောင် (သို့) အပြာရောင် ရှိ၍ ရှည်လျားပြီး တွဲလောင်းကျနေတဲ့ အနီရောင် အဖက် (Red wattles)ပါရှိပါတယ်။ 🦃သူတို့မှာ ခြေချောင်း (၃) ချောင်းသာပါရှိပါတယ်။🫢 Cassowary ရဲ့ထူးခြားချက်တွေကတော့ အမများက ဥ ဥပြီး ထိုဥများကို🥚 အထီးတွေကသာဝပ်ပြီး ဥဝပ်ချိန်မှစ၍ သားပေါက်များအရွယ်ရောက်ကာ အစာရှာဖွေနိုင်သည့်အထိ အဖေကသာ ကျွေးမွေးပြုစုစောင့်ရှောက်လေ့ရှိကြပါတယ်။ ကက်ဆိုဝါရီငှက်တွေဟာ အကြောင်းအရင်းမရှိဘဲ အန္တရာယ် ပြုလေ့မရှိသော်လည်း ကလေးများနဲ့အတူ အစာစားနေချိန်တွေမှာ အန္တရာယ်ပြုတယ်လို့...
👨💼အပြည်ပြည်ဆိုင်ရာ တိရစ္ဆာန်ထိန်းများနေ့ (International Zookeeper Day) 👨💼 🦏တိရစ္ဆာန်များ၏ ကောင်းကျိုးချမ်းသာကို ဖော်ဆောင်ပေးနေတဲ့ သူတွေကို တိရစ္ဆာန်ထိန်းသိမ်း စောင့်ရှောက်သူများ(Zoo Keepers) ဟုခေါ်ဆိုပါတယ်။ တိရစ္ဆာန်ထိန်းသိမ်း စောင့်ရှောက်သူများ အနေနဲ့ တိရစ္ဆာန်များကို အဓိကတာဝန်ယူ ထိန်းသိမ်းပြုစုစောင့်ရှောက်ပေးနေသူများဖြစ်တဲ့ တိရစ္ဆာန်များ၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာစေရန်အတွက်သာမက တိရစ္ဆာန် ဥယျာဉ်များ၏ အဓိက ရည်ရွယ်ချက်များဖြစ်သည့် တောရိုင်းတိရစ္ဆာန်ထိန်းသိမ်းရေးလုပ်ငန်း၊ ပညာပေးလုပ်ငန်းများနှင့် သုတေသနလုပ်ငန်းများကို အကောင်အထည်ဖော် ဆောင်ရွက်နိုင်စေ ရန် အဓိကအထောက်အကူ ပြုပေးနေသူများလည်း ဖြစ်ကြပါတယ်။ 🦒တိရစ္ဆာန်ထိန်းများရဲ့ ဝါသနာ၊ အနစ်နာ၊ လုပ်ငန်းကျွမ်းကျင်မှုတို့သည် တိရစ္ဆာန်ဥယျာဉ်များ၏ ရည်ရွယ်ချက်များကို အကောင်အထည်ဖော်ရန်နှင့်ဇီဝမျိုးစုံမျိုးကွဲထိန်းသိမ်းရေးလုပ်ငန်းများဆောင်ရွက် ရာတွင် ရှေ့တန်းကနေ တာဝန်ယူဆောင်ရွက်ပေးနေရသော ရှေ့တန်းတိုက်စစ်မှူးများပင်ဖြစ်ကြပါတယ်။ 🐘ကမ္ဘာပေါ်ရှိ တိရစ္ဆာန်ဥယျာဉ်များတွင် တိရစ္ဆာန်များ၏ ကောင်းကျိုးချမ်းသာနှင့် တိရစ္ဆာန်ဥယျာဉ် များ၏ ရည်မှန်းချက်ပန်းတိုင်ကိုရောက်ရှိအောင် အကောင်အထည်ဖော် ဆောင်ရွက်ပေးနေသော တိရစ္ဆာန်ထိန်း (Zoo Keepers) များအား ဂုဏ်ပြုသောအားဖြင့်နှစ်စဉ် အောက်တိုဘာလ (၄) ရက်နေ့ကို အပြည်ပြည်ဆိုင်ရာ တိရစ္ဆာန်ထိန်းများနေ့အဖြစ် သတ်မှတ်ပြီးဂုဏ်ပြုလိုက် ရပါတယ်။🎉 #YadanarbonZoo #knowledgesharing #zookeeperday
✨သီတင်းကျွတ်လပြည်နေ့ ✨ မြန်မာသက္ကရာဇ် ၁၃၈၆ ခုနှစ်၊အောက်တိုဘာ(၁၇) ရက်နေ့တွင် ကျရောက်သည် “သီတင်းကျွတ်လပြည့်နေ့ “ အဘိဓမ္မာအခါတော်နေ့တွင် မိတ်ဟောင်းမိတ်သစ်များအားလုံး စိတ်ချမ်းသာခြင်း၊ ကိုယ်ကျန်းမာခြင်းနှင့် ပြည့်စုံ၍ ကပ်ကြီး(၃)ပါး အန္တရာယ်မှ ကင်းဝေးနိုင်ကြပါစေလို့ ရတနာပုံတိရစ္ဆာန်ဉယျာဉ်( Yadanarbon Zoo)မိသားစုမှ ဆုမွန်တောင်းအပ်ပါတယ်….🙏🙏🙏 #YadanarbonZoo #thatinkyut
🦤ငှက်ကျားအနက်တွေဟာ ငှက်ကျားအုပ်စုမှာခန္ဓာကိုယ်အရွယ်အစားအကြီးဆုံးဖြစ်ပါတယ်။ နှုတ်သီးဖျားမှအမြီးအထိ ၃၇ မှ ၃၉ လက်မ😳အထိရှိပြီး တောင်ပံအလျှားမှာ ၅၇မှာ၆၁ လက်မ😱အထိရှိကြပါတယ််။ အရွယ်ရောက်ငှက်ကျားအနက်် တွေရဲ့ခန္ဓာကိုယ်မှာအနက်ရောင်ရှိပြီး အောက်ဘက်အပိုင်းတွင်အဖြူရောင်ရှိပါတယ်။🦤 အနီရောင်ခြေတံရှည်နှင့် ရှည်လျှားချွန်ထက်သောနှုတ်သီးနီရှိပါတယ်။ ေရွပြောင်းလှည့်လည်ကျက်စားနေထိုင်သည့်ငှက်အမျိုးအစားဖြစ်ပြီး ဥရောပ၊ အာဖရိကနှင့်အာရှတိုက်တို့တွင်လည်း ရွှေ့ပြောင်းကျက်စားနေထိုင်လျက်ရှိပါတယ်။ အဓိကအစားအစာမှာငါး🐟ဖြစ်ပြီး ငှက်ကျားအနက်များမှာ မြစ်ချောင်းများနှင့် ရေတိမ်ဒေသများတွင်🏞️လှည့်လည်ကျက်စားနေထိုင်ကြပါတယ်။ အစာရှာသည့်အခါ တောင်ပံကိုဖြန့်၍ အစာရှာတတ်ပါတယ်။ ဒါကြောင့် ငှက်ကျားအနက်များကို မြန်မာနိုင်ငံတွင် လုံးဝကာကွယ်ထားသော🙅🏻♂️ ငှက်စာရင်းတွင်ထည့် သွင်း၍ ထိန်းသိမ်းကာကွယ်စောင့် ရှောက်ထားလျက်ရှိပါတယ််။🙇🏻♀️ #yadanarbonzoo #blackstork #knowledgesharing
🙏တန်ဆောင်တိုင် ဆုတောင်း🙏 ✨မြန်မာတို့ရဲ့ အထွဋ်အမြတ်ထားရာ နေ့ထူးနေ့မြတ်တွေထဲကမှ တစ်ရက်ဖြစ်တဲ့ 🪔တန်ဆောင်မုန်းလပြည့်နေ့(သာမညဖလ အခါတော်နေ့)🪔မှာ မိတ်ဟောင်းမိတ်သစ် ၊ ချစ်သူ ခင်သူများ 🤗အားလုံး ကိုယ်စိတ်နှစ်ဖြာကျန်းမာပြီး စိီးပွားလာဘ်လာဘများ💰 ဒီရေအလား တိုးတက်ကြပါစေကြောင်း✨ တိရစ္ဆာန်ဥယျာဉ် ရတနာပုံ(Yadanarbon Zoo )မိသားစုမှ ဆုမွန်ကောင်း တောင်းအပ်ပါတယ်.....။🙏🙏🙏 #YadanarbonZoo #TazaungdaingFestival
🇲🇲အမျိုးသားနေ့……(တို့မမေ့)🇲🇲 ၂၀၂၄ခုနှစ်၊ နိုဝင်ဘာ (၂၅)ရက်၊ တနင်္လာနေ့တွင် ကျရောက်သော (၁၀၄)ကြိမ်မြောက်အမျိုးသားနေ့အား ဂုဏ်ပြုကြိုဆိုရင်း မြန်မာပြည်သူ/ပြည်သားများအားလုံးနင့် မိတ်ဟောင်းမိတ်သစ်များ အားလုံး စိတ်၏ချမ်းသားခြင်း၊ ကိုယ်၏ကျန်းမာခြင်းနဲ့ ပြည့်စုံကြပါစေကြောင်း တိရစ္ဆာန်ဉယျာဉ်ရတနာပုံ(Yadanarbonzoo)မိသားစုမှ ဆုတောင်းမေတ္တာပို့သအပ်ပါသည်။🙏🏻🙏🏻🙏🏻
Copyright 2018. All rights reserved.
